Actress Hospitalised : बॉलिवूड विश्वातून एक अत्यंत धक्कादायक आणि काळजी वाढवणारी बातमी समोर येत आहे. सिनेसृष्टीवर (Actress Hospitalised) आपल्या अभिनयाची आणि सौंदर्याची मोहिनी घालणाऱ्या ज्येष्ठ अभिनेत्री पूनम ढिल्लों यांची तब्येत अचानक बिघडल्याने त्यांना मुंबईतील प्रसिद्ध लीलावती रुग्णालयात तातडीने दाखल करण्यात आले आहे.

प्राथमिक तपासणीनंतर त्यांना डेंग्यूची लागण झाल्याचे निष्पन्न झाले. २२ ऑगस्ट रोजी ही माहिती समोर येताच संपूर्ण चित्रपटसृष्टी आणि चाहत्यांमध्ये चिंतेचे वातावरण निर्माण झाले. गेल्या काही दिवसांपासून त्यांच्यावर रुग्णालयात तज्ज्ञ डॉक्टरांच्या देखरेखीखाली उपचार सुरू आहेत.

ज्येष्ठ पत्रकार विकी लालवानी यांनी सोशल मीडियावरून त्यांच्या प्रकृतीविषयी (Actress Hospitalised) माहिती दिली. सुदैवाने, डॉक्टरांच्या योग्य उपचारांमुळे पूनम ढिल्लों यांच्या प्रकृतीत आता वेगाने सुधारणा होत असून त्यांची तब्येत स्थिर आहे. स्वतः अभिनेत्रीनेही प्रकृती सुधारत असल्याची माहिती दिल्याने चाहते आणि सहकलाकारांनी सुटकेचा निःश्वास सोडला आहे. सोशल मीडियावरून सर्वजण त्या लवकरात लवकर पूर्णपणे बऱ्या व्हाव्यात यासाठी प्रार्थना करत आहेत.

पूनम ढिल्लों (Actress Hospitalised) यांनी हिंदी चित्रपटसृष्टीला ‘नूरी’, ‘सोहनी महिवाल’, ‘दर्द’, ‘कर्मा’, ‘नाम’, ‘तेरी मेहेरबानिया’ आणि ‘रेड रोझ’ यांसारखे अनेक अजरामर चित्रपट दिले आहेत. अभिनयाव्यतिरिक्त त्यांनी ‘बिग बॉस’च्या माध्यमातूनही प्रेक्षकांची मने जिंकली असून, सध्या त्या कलाकारांचे हक्क जपणाऱ्या ‘सिंटा’ (CINTAA) या नामांकित संस्थेच्या अध्यक्षपदाची महत्त्वाची धुरा सांभाळत आहेत.