मॅाडेल उर्फी जावेद ही तिच्या कपड्यांवरील फॅशनला घेऊन सतत चर्चेत असते. ती सोशल मीडियावर सक्रिय असून फोटो आणि व्हिडिओ इन्स्टावर पोस्ट करत असते. मात्र, पुन्हा एकदा उर्फी चर्चेत आली आहे. इन्स्टावर तिचे काही फोटोज आणि व्हिडिओ तुफान व्हायरल होत आहेत. यामध्ये एक व्यक्ती उर्फीच्या बोटात अंगठी घालताना दिसत आहे. यामुळे सोशल मीडियावर उर्फीने गुपचूप साखरपुडा उरकला असल्याची चर्चा रंगू लागली आहे. यावर आता खुद्द उर्फी जावेद हिने सत्य काय आहे ते सांगितलं आहे.

व्हायरल होत असलेले फोटो आणि व्हिडिओ हे साखरपुड्याचे नसून नव्या ओटीटी शोच्या माध्यमातून ती चाहत्यांच्या भेटीस येणार असल्याचे स्पष्टीकरण उर्फीने दिले आहे. याबाबतचा व्हिडीओ उर्फीने शेअर केला असून कॅप्शनमध्ये, ‘ये इश्क नहीं आसान बस इतना समझ लीजिए धोखे का खतरा है, रोका करके जाना है…’ शिवाय उर्फीने #EngagedRokaYaDhoka या हॅशटॅगचा वापर तिने केला आहे.

उर्फीचा हा नवा सो डिस्नी हॅाटस्टारवर प्रदर्शित होणार आहे. हा व्हिडिओ साखरपुड्यातील शोचा एक भाग असल्याचे उर्फीने सांगितले आहे. उर्फीच्या बोटात अंगठी घालणार कॅामेडियन हर्ष गुजराल असून उर्फी आणि हर्ष दोघे मिळून हा शो होस्ट करणार आहेत. उर्फी तिच्या बोल्ड फॅशन आणि वक्तव्यांमुळे नेहमीच चर्चेत असते. उर्फीने अनेक मालिकांमध्ये देखील भूमिका साकारली आहे. ‘बडे भैया की दुल्हनिया’, ‘मेरी दुर्गा’, ‘बेपनाह’ आणि ‘कसौटी जिंदगी के’ मध्ये देखील उर्फी दिसली होती. सोशल मीडियावर तिच्या चाहत्यांची संख्या मोठी आहे. सोशल मीडियाच्या माध्यमातून उर्फी चाहत्यांच्या नेहमीच संपर्कात राहण्याचा प्रयत्न करत असते.