वडगाव मावळ – वडगाव नगरपंचायत निवडणुकीसाठी भारतीय जनता पक्ष व शिवसेना युतीच्या वतीने नगराध्यक्षपदासाठी ॲड. मृणाल गुलाबराव म्हाळसकर यांच्यासह आपली पहिली यादी जाहीर केली आहे. १७ प्रभागापैकी ८, ९ आणि १३ हे तीन प्रभाग वगळता उर्वरित १४ प्रभागांमध्ये भाजपने उमेदवार जाहीर केले आहेत. निवडणूक प्रभारी भास्करराव म्हाळसकर यांनी शनिवारी (दि. १५) घेतलेल्या पत्रकार परिषदेत १४ उमेदवार जाहीर केले. यावेळी शिवसेनेचे जिल्हाप्रमुख राजेश खांडभोर, जिल्हा परिषद माजी सभापती बाबूराव वायकर, ज्येष्ठ नेते अविनाश बवरे, सुभाषराव जाधव, अरुण चव्हाण, चंद्रशेखर भोसले, दामोदर भंडारी, तुकाराम काटे, विजय जाधव, मिलिंद चव्हाण, बंडोपंत भेगडे, वडगाव शहर भाजपा अध्यक्ष संभाजी म्हाळसकर, नारायण ढोरे, सुधाकर ढोरे, किरण भिलारे, बाळासाहेब कुडे, नाथा घुले, रवींद्र म्हाळसकर, भूषण मुथा, कल्पेश भोंडवे, प्रसाद पिंगळे उपस्थित होते. भास्करराव म्हाळसकर म्हणाले, नगरपंचायत निवडणूक भाजपा व शिवसेना युतीच्या माध्यमातून लढविण्याचा निर्णय झाला असून, शिवसेनेला प्रभाग क्र. एक मध्ये एक जागा देण्यात आली आहे. नगराध्यक्ष पदासह नगरसेवक पदासाठी पक्षाचे कार्यक्षम व उच्चशिक्षित उमेदवार देण्याचा प्रयत्न करण्यात आला आहे. युतीच्या माध्यमातून सर्व जागा ताकदीने लढवून नगरपंचायतमध्ये युतीची सत्ता आणण्याचा विश्वास म्हाळसकर यांनी या वेळी व्यक्त केला. भाजपा शिवसेना युतीचे जाहीर केलेले अधिकृत उमेदवार नगराध्यक्ष – ॲड. मृणाल गुलाबराव म्हाळसकर प्रभाग १ – रेणुका कोकाटे प्रभाग २ – दिनेश ढोरे प्रभाग ३ – रोहित धडवले प्रभाग ४ – पूजा ढोरे प्रभाग ५ – अश्विनी म्हाळसकर प्रभाग ६ – शेखर वहीले प्रभाग ७ – दिपक भालेराव प्रभाग १० – सुजाता भेगडे प्रभाग ११ – किरण म्हाळसकर प्रभाग १२ – राजू म्हाळसकर प्रभाग १४ – दिपाली मोरे प्रभाग १५ – अनंता कुडे प्रभाग १६ – राणी म्हाळसकर प्रभाग १७ – अर्चना म्हाळसकर
