Vada Pav Recipe: वडा पाव हा मुंबईचा सर्वात लोकप्रिय स्ट्रीट फूड मानला जातो. ऑफिसला जाणारे लोक असोत किंवा कॉलेजचे विद्यार्थी, सगळ्यांनाच वडा पाव खायला आवडतो. बाहेर मिळणारा चविष्ट वडा पाव घरी बनवणे कठीण वाटत असले तरी आता तुम्ही अगदी सोप्या पद्धतीने घरच्या घरी हा पदार्थ तयार करू शकता. Vada Pav Recipe

ही डिश मुख्यतः मसालेदार बटाट्यापासून आणि मऊ पावपासून बनते. त्यावर तिखट आणि गोड चटणी लावून सर्व्ह केल्यावर त्याची चव आणखी वाढते. फक्त २० मिनिटांत तयार होणारी ही रेसिपी नाश्त्यासाठी उत्तम पर्याय ठरू शकते.

वडा पाव बनवण्यासाठी लागणारी सामग्री अगदी साधी आहे. यासाठी २ उकडलेले बटाटे, बारीक चिरलेला कांदा, थोडे तेल, हिंग, मोहरी, बडीशोप, आले-हिरवी मिरची पेस्ट, हळद, मीठ, तिखट आणि कोथिंबीर लागते. तसेच बेसन, चिमूटभर सोडा आणि मीठ वापरून भजीसाठी पीठ तयार करावे लागते. चटणीसाठी लसूण, सुक्या लाल मिरच्या, खोबरे आणि तीळ वापरले जातात.  (Vada Pav Recipe)

बनवण्याची पद्धतही खूप सोपी आहे. सर्वप्रथम कढईत तेल गरम करून त्यात हिंग, मोहरी आणि बडीशोप टाकून फोडणी द्यावी. त्यानंतर कांदा आणि आले-मिरची पेस्ट घालून हलके सोनेरी होईपर्यंत परतावे. मग त्यात कुस्करलेले बटाटे, मसाले आणि कोथिंबीर घालून चांगले मिसळावे. शेवटी लिंबाचा रस घालून मिश्रण तयार करावे.   (Vada Pav Recipe)

तयार मिश्रणाचे छोटे गोळे करून घ्यावेत. दुसरीकडे बेसनात मीठ, तिखट आणि सोडा घालून घट्ट पीठ बनवावे. हे बटाट्याचे गोळे बेसनात बुडवून गरम तेलात सोनेरी होईपर्यंत तळावे.

यानंतर पाव मधून कापून त्यावर चटणी लावावी आणि तळलेला वडा त्यात ठेवावा. सोबत तळलेल्या हिरव्या मिरच्या आणि चटणी देऊन गरमागरम सर्व्ह करावे.

घरच्या घरी बनवलेला वडा पाव केवळ चविष्टच नाही, तर स्वच्छ आणि हेल्दीही असतो. सकाळच्या नाश्त्यासाठी किंवा संध्याकाळच्या स्नॅक्ससाठी हा उत्तम पर्याय आहे.

आता बाहेर जाऊन वडा पाव खाण्याची गरज नाही. या सोप्या रेसिपीच्या मदतीने तुम्ही अगदी मुंबईसारखा चविष्ट वडा पाव घरीच बनवू शकता आणि कुटुंबासोबत त्याचा आनंद घेऊ शकता.