US Revises Travel Advisory for India : अमेरिकेने आपल्या नव्या ट्रॅव्हल ॲडव्हायझरीमध्ये भारतातील मणिपूर आणि जम्मू-काश्मीर राज्यात न जाण्याचा सल्ला दिला आहे. यासोबतच लोकांना भारत-पाकिस्तान सीमावर्ती भाग आणि भारताच्या मध्य आणि पूर्व भागात नक्षलवादी सक्रिय असलेल्या भागात न जाण्यास सांगण्यात आले आहे. भारतासाठी जारी केलेली सुधारीत ट्रॅव्हल ॲडव्हायजरी अमेरिकेने ईशान्येकडील राज्यांसह अपडेट (अद्यतनित) केली आहे. ‘गुन्हे, नक्षलवाद आणि दहशतवाद’मुळे भारतात अधिक सावध राहण्याची गरज असल्याचे अमेरिकेने म्हटले आहे.

अमेरिकेने भारतासाठी जारी केलेल्या ट्रॅव्हल ॲडव्हायझरीमध्ये म्हटले आहे की, “देशाच्या काही भागात धोका वाढला आहे. एकूणच भारताला दुसऱ्या स्तरावर ठेवण्यात आले आहे. पण मणिपूर, जम्मू-काश्मीर, भारत-पाकिस्तान सीमा, मध्य आणि पूर्व भारतातील काही भाग चौथ्या स्तरावर ठेवण्यात आले आहेत.”

अमेरिकेच्या परराष्ट्र विभागाने म्हटले आहे की, ‘जम्मू-काश्मीर केंद्रशासित प्रदेशात दहशतवाद आणि सशस्त्र संघर्षाच्या भीतीने मणिपूरला जाऊ नये. तसेच ‘यासोबतच लोकांना अतिरेकी आणि गुन्हेगारीमुळे पूर्व भारतातील काही भागात न जाण्यास सांगण्यात आले आहे.

लैंगिक गुन्ह्यापासून सावध राहण्याचा सल्ला…

‘दहशतवाद आणि हिंसाचारामुळे ईशान्येकडील राज्यांमध्ये प्रवास करण्याआधी पुनर्विचार करावा’ अशी शिफारस’ नव्या ट्रॅव्हल ॲडव्हायझरीमध्ये अमेरिकन नागरिकांना करण्यात आली आहे. ॲडव्हायझरीमध्ये लिहण्यात आले आहे की,’ भारतीय अधिकाऱ्यांच्या मते, बलात्कार हा भारतातील सर्वात वेगाने वाढणाऱ्या गुन्ह्यांपैकी एक आहे. पर्यटन स्थळांवर लैंगिक अत्याचारासारखे हिंसक गुन्हे घडले आहेत. त्यामुळे लैंगिक गुन्ह्यापासून सावध राहण्याचा सल्ला देण्यात आला आहे. तसेच दहशतवादी येथे कधीही हल्ला करू शकतात, ते मॉल्स, पर्यटन स्थळे, बाजारपेठा आणि सरकारी आस्थापनांना लक्ष्य करतात.’

Sri Lanka : माजी लष्करप्रमुखांची पुन्हा निवडणूक लढवण्याची घोषणा, राष्ट्रपतीपदासाठी विक्रमसिंघेंना देणार आव्हान…

ग्रामीण भागात आपत्कालीन सेवा कमकुवत…

अमेरिकन परराष्ट्र मंत्रालयाने सांगितले की, अमेरिकन सरकारकडे ग्रामीण भागात अमेरिकन नागरिकांना आपत्कालीन सेवा देण्यासाठी मजबूत संसाधने नाहीत. असे क्षेत्र पूर्व महाराष्ट्र आणि उत्तर तेलंगणापासून पश्चिम बंगालपर्यंत पसरलेले आहेत. अमेरिकन सरकारी कर्मचाऱ्यांना या भागात जाण्यासाठी विशेष परवानगी घ्यावी लागेल, असे ॲडव्हायझरीत म्हटले आहे.