India | Pakistan | Operation Sindoor । America – पहलगाम येथील दहशतवादी हल्ल्यानंतर पाकिस्तान आणि पाकव्याप्त काश्मीरमधील दहशतवादी तळांना लक्ष करत भारताने ऑपरेशन सिंदुर राबविले. भारतीय हवाई दलाने ऑपरेशन सिंदुर हाती घेत पाकिस्तानच्या हवाई तळांवर आणि दहशतवादी छावण्यांवर केलेल्या हवाई हल्ल्यांदरम्यान बिथरलेल्या पाकिस्तानने मदतीसाठी अमेरिकेकडे धाव घेतली होती. तसेच ऑपरेश सिंदुर थांबविण्यासाठी ६० वेळा विनवणी केली. यामुळे ‘ऑपरेशन सिंदूर’ दरम्यान पाकिस्तानचा खोटेपणा आणि अपप्रचाराचा पर्दाफाश झाला आहे. अमेरिकेच्या परदेशी एजंट नोंदणी कायद्यांतर्गत (एफएआरए) दाखल केलेल्या एका दस्तऐवजामधून हे स्पष्ट झाले आहे. तसेच पाकिस्तानने ऑपरेशन सिंदुरवेळी ४५ कोटी रुपयांचा खर्च करत लॉबिंगही केली होती. अमेरिकन सरकारद्वारे सार्वजनिक करण्यात आलेल्या दस्तावेजानुसार, ऑपरेशन सिंदूर फक्त थांबवले आहे, परंतु पाकिस्तानी भूभागावरील हल्ले पुन्हा सुरू होऊ शकतात याची भिती होती. यामुळै पाकिस्तानने आपल्या राजदूतांच्या माध्यमातून लॉबिंग केले. तसेच अमेरिकेतील उच्च प्रशासकीय अधिकारी आणि परराष्ट्र खात्याच्या अधिकाऱ्यांशी अंदाजे ६० वेळा संपर्क साधला. पाकिस्तान अमेरिकन प्रशासनातील वरिष्ठ व्यक्तींशी सतत संपर्कात होता आणि युद्ध रोखण्यासाठी प्रयत्न करत होता. या काळात पाकिस्तान अमेरिकेकडून शस्त्रास्त्रे आणि आर्थिक मदतीची विनंती करत होता, असेही या कागदपत्रांमधून उघड झाले. तसेच भारताने ऑपरेशन सिंदूरवेळी युद्धबंदीची मागणी केली होती. खरं तर, लष्करी कारवाई थांबवण्याची विनंती आणि विनवणी पाकिस्तानी कमांडर्सकडून आली होती. प्रत्यक्षात पाकिस्तानी लष्करी अधिकाऱ्यांना त्यांच्या नुकसानीचा अंदाज आला होता आणि भारताच्या लष्करी सामर्थ्यासमोर ते आणखी नुकसान सहन करण्यास असमर्थ होते. म्हणूनच शेवटचा उपाय म्हणून इस्लामाबादने अमेरिकेचे डोनाल्ड ट्रम्प यांची मदत मागितली. हल्ले पुन्हा सुरू होण्याची भीती पाकिस्तानच्या मनात होती. भारतीय दुतावासाकडूनही संपर्क : ट्रम्प प्रशासनाशी अनेक महत्त्वाच्या मुद्द्यांवर वाटाघाटी करण्यास भारतीय दूतावासाकडूनही संपर्क करण्यात आला. एप्रिल ते डिसेंबर २०२५ दरम्यान त्यांनी काम केले. एफएआरएमध्ये दिलेल्या माहितीनुसार, या फर्मने १० मे रोजी भारतीय दूतावासाच्या वतीने व्हाईट हाऊस चीफ ऑफ स्टाफ सुसी विल्स, यूएस ट्रेड रिप्रेझेंटेटिव्ह जेमसन ग्रीर आणि राष्ट्रीय सुरक्षा परिषदेचे रिकी गिल यांच्यात संपर्क साधला. या काळात भारत-अमेरिका व्यापार करार आणि ऑपरेशन सिंदूर यासारख्या मुद्द्यांवर चर्चा झाली.
