US-Iran War: अमेरिकेचे अध्यक्ष डोनाल्ड ट्रम्प इराणसोबतचे युद्ध लांबवण्याच्या मनःस्थितीत दिसत नाहीत. कारण त्यांनी आपल्या सहकाऱ्यांना “ते होर्मुझची सामुद्रधुनी पुन्हा न उघडताही युद्ध संपवण्यास तयार आहेत” असे म्हटले आहे. ट्रम्प आणि त्यांच्या सहकाऱ्यांचा असा विश्वास आहे की, “जर इराणने हा महत्त्वाचा जलमार्ग जबरदस्तीने उघडण्यासाठी लष्करी कारवाई सुरू केली, तर युद्ध नियोजित कालावधीच्या म्हणजेच ४ ते ६ आठवड्याच्या पलीकडे जाऊ शकते”. अमेरिका नंतर होर्मुझची सामुद्रधुनी पुन्हा उघडण्यासाठी एक स्वतंत्र मोहीम सुरू करू शकते. अमेरिका युद्धावर लक्ष केंद्रित करणार का? US-Iran War: ही माहिती ‘वॉल स्ट्रीट जर्नल’च्या एका अहवालात देण्यात आली आहे. अहवालानुसार, त्यांनी आता ठरवले आहे की अमेरिकेने इराणचे नौदल आणि क्षेपणास्त्र साठा कमकुवत करण्यावर आणि अखेरीस युद्ध संपवण्यावर लक्ष केंद्रित केले पाहिजे. US-Iran War: त्यांनी म्हटले आहे की, या महत्त्वाच्या जलमार्गातून विनाअडथळा व्यापार पुन्हा सुरू होऊ देण्यासाठी इराणवर दबाव आणला पाहिजे. अधिकाऱ्यांच्या मते, जर हे अयशस्वी झाले, तर वॉशिंग्टन होर्मुझची सामुद्रधुनी पुन्हा उघडण्यास मदत करण्यासाठी युरोप आणि आखातातील आपल्या मित्र राष्ट्रांवर दबाव आणेल. होर्मुझच्या सामुद्रधुनीबाबत ट्रम्प यांची बदलती वक्तव्ये US-Iran War: अधिकाऱ्यांनी पुढे बोलताना, अमेरिकेच्या राष्ट्राध्यक्षांकडे लष्करी पर्याय उपलब्ध आहेत, परंतु ते त्यांचे तात्काळ प्राधान्य नाही. युद्धाच्या सुरुवातीपासून, ट्रम्प यांनी होर्मुझच्या सामुद्रधुनीबाबत अनेक वेगवेगळी वक्तव्ये केली आहेत, ज्यात अनेकदा परस्परविरोधी विधाने आहेत. यापूर्वी, त्यांनी इराणला इशारा दिला होता की, जर त्यांनी होर्मुझची सामुद्रधुनी पुन्हा उघडली नाही, तर त्याचे गंभीर परिणाम होतील. एका सोशल मीडिया पोस्टमध्ये, ट्रम्प यांनी म्हटले आहे की, ते इराणच्या “वाजवी” सरकारसोबत वाटाघाटी सुरू ठेवत आहेत. जर लवकरच करार झाला नाही आणि होर्मुझची सामुद्रधुनी पुन्हा उघडली नाही, तर ते तेहरानच्या तेल विहिरी उडवून देतील आणि त्यांच्या वीज प्रकल्पांवर व लष्करी तळांवर हल्ला करतील.” ट्रम्प यांनी इराणच्या डिसेलिनेशन प्रकल्पाला लक्ष्य करण्याची धमकीही दिली, जो समुद्राचे पाणी पिण्यायोग्य बनवण्यासाठी वापरतो. ट्रम्प म्हणाले की, आतापर्यंत आम्ही जाणूनबुजून या प्रकल्पांना लक्ष्य केलेले नाही, परंतु लवकरच त्यांनाही लक्ष्य केले जाईल.
