US-Iran Peace Deal: अमेरिकेचे उपाध्यक्ष जेडी वान्स यांनी  इराणसोबतच्या शांतता कराराला विरोध करणाऱ्यांवर निशाणा साधला. त्यांनी, “तेल अवीव केवळ हत्या करून प्रत्येक समस्या सोडवू शकत नाही.” असे म्हणत इस्रायलला चांगलेच फटकारले आहे.  अमेरिका-इराण शांतता कराराचा बचाव करताना व्हॅन्स म्हणाले की, अमेरिकेचे अध्यक्ष डोनाल्ड ट्रम्प हे इस्रायलचे एकमेव मित्र आहेत.

व्हाईट हाऊसमध्ये आयोजित पत्रकार परिषदेत इस्रायलचे स्पष्टीकरण देताना वान्स यांनी, डोनाल्ड जे. ट्रम्प हे जगातील एकमेव असे नेते आहेत जे सध्या इस्रायलबद्दल सहानुभूती दाखवतात. जर मी इस्रायली मंत्रिमंडळात असतो, तर मी जगातील आमच्या एकमेव शक्तिशाली मित्रावर हल्ला करणार नाही” असे म्हणाले.

जेडी वान्स यांनी इस्रायल सरकारच्या कॅबिनेट सदस्यांना आठवण करून दिली की इस्रायलची दोन तृतीयांश संरक्षण शस्त्रे अमेरिकेत बनविली जातात आणि अमेरिकन कराचा पैसा त्यांच्यासाठी वापरला जातो.  (US-Iran Peace Deal)

वान्स म्हणाले, “इस्रायलची समस्या डोनाल्ड जे. ट्रम्प नाही. इस्रायलमधील ज्यांना वाटते की त्यांची सर्वात मोठी समस्या म्हणजे अमेरिकेचे राष्ट्राध्यक्ष आहेत, त्यांनी जागे होण्याची आणि देशातील खरी परिस्थिती समजून घेण्याची गरज आहे.”

मारून उपाय नाही – वान्स   (US-Iran Peace Deal)

एका इंग्रजी वर्तमानपत्राला  दिलेल्या मुलाखतीत, वान्सने इस्रायलचे सुरक्षा मंत्री इटामार बेन-गवीर आणि अर्थमंत्री बेझालेल स्मोट्रिच अमेरिका-इराण शांतता कराराला विरोध केल्याबद्दल जोरदार टीका केली. वान्स म्हणाले, “तुमचा खरा प्रस्ताव काय आहे? तुम्ही 9 दशलक्ष लोकसंख्येचा देश आहात. तुम्ही प्रत्येक राष्ट्रीय सुरक्षेचा प्रश्न फक्त मारून सोडवू शकत नाही.”

जेडी वान्स म्हणाले, “मला इस्रायलमधील हा गोंधळ थोडा विचित्र वाटतो, कारण मला वाटते की हे अविश्वासामुळे आहे आणि माझा विश्वास आहे की अमेरिकेने जगाच्या त्या क्षेत्राचा विश्वास संपादन केला आहे.” इराणसोबतचे युद्ध संपवण्यासाठी या आठवड्यात झालेल्या कराराचा वान्स बचाव करत होते, ज्यावर अमेरिका आणि इस्रायलमध्ये टीका होत आहे. समीक्षकांचे म्हणणे आहे की हा करार इराणचा क्षेपणास्त्र कार्यक्रम रोखण्यात अयशस्वी ठरला आहे आणि त्यात अण्वस्त्रे नष्ट करण्यासाठी कोणतीही स्पष्ट तरतूद करण्यात आलेली नाही.

वान्स यांच्या वक्तव्यानंतर अमेरिकेचे राष्ट्राध्यक्ष डोनाल्ड ट्रम्प यांनी सोशल मीडियावरील एका पोस्टमध्ये म्हटले आहे की, त्यांनी पश्चिम आशियातील प्रत्येकाला संवाद सुरू ठेवण्याची वचनबद्धता कायम ठेवण्याचे आवाहन केले आहे. “आम्ही लेबनॉन, हिजबुल्लाह आणि इस्रायलसह सर्व आघाड्यांवर संपूर्ण युद्धविरामाची अपेक्षा करतो,” ट्रम्प यांनी लिहिले.