Urvil Patel Note Celebration viral after fastest fifty : आयपीएल २०२६ च्या ५३ व्या सामन्यात रविवारी सीएसकेच्या उर्विल पटेलने एलएसजीविरुद्ध फलंदाजीचा असा काही झंझावात निर्माण केला, जो क्रिकेट चाहते अनेक वर्षे विसरणार नाहीत. उर्विलने अवघ्या १३ चेंडूंत आपले अर्धशतक पूर्ण केले. हे या हंगामातील सर्वात वेगवान आणि आयपीएल इतिहासातील संयुक्तपणे सर्वात वेगवान अर्धशतक ठरले आहे. मात्र, त्याच्या फटकेबाजीपेक्षाही त्याने अर्धशतकानंतर खिशातून काढलेल्या एका चिठ्ठीने सर्वांचे लक्ष वेधून घेतले. वडिलांसाठी समर्पित केली खेळी – १० मे रोजी संपूर्ण जग ‘मदर्स डे’ साजरा करत असताना उर्विलने आपली ही ऐतिहासिक खेळी वडिलांना समर्पित केली. अर्धशतक पूर्ण होताच त्याने खिशातून एक चिठ्ठी बाहेर काढली, ज्यावर इंग्रजीत ‘This is for you Papa’ (हे तुमच्यासाठी आहे बाबा) असे लिहिले होते. त्यासोबतच त्याने गुजराती भाषेत आपल्या कुलदेवतांच्या आशीर्वादाचा उल्लेख केला होता. ‘गुजरातच्या साधी, जोगनी, मेलडी, गोगा आणि सिकोतर मातांचे आशीर्वाद’, असं त्याने त्या चिठ्ठीवर लिहिले होते. A record knock 🤯 A memorable celebration with a 𝗵𝗲𝗮𝗿𝘁𝗳𝗲𝗹𝘁 𝗺𝗲𝘀𝘀𝗮𝗴𝗲 🥹🫶 Urvil Patel, thank you for the entertainment today 💛 Updates ▶️ https://t.co/MoXhlWHk4O#TATAIPL | #KhelBindaas | #CSKvLSG | @ChennaiIPL pic.twitter.com/GjR5D2sYid — IndianPremierLeague (@IPL) May 10, 2026 एबी डिव्हिलियर्स आणि यशस्वीचा विक्रम मोडला- On Mother’s Day, bro mentioned his father.🥹🔥 Well played, Urvil Patel.🙌🔥 pic.twitter.com/i4YCW4nlml — 𝐑𝐮𝐬𝐡𝐢𝐢𝐢⁴⁵ (@rushiii_12) May 10, 2026 उर्विल पटेलने या सामन्यात २३ चेंडूंत ६५ धावांची स्फोटक खेळी केली, ज्यामध्ये २ चौकार आणि ८ उत्तुंग षटकारांचा समावेश होता. या खेळीदरम्यान त्याने पहिल्या १० चेंडूंत ४२ धावा कुटल्या. यासह त्याने एबी डिव्हिलियर्स (२०१५) आणि यशस्वी जैस्वाल (२०२३) यांचा १० चेंडूंत ४१ धावांचा विक्रम मोडीत काढला आहे. उर्विलच्या नावावर यापूर्वी सय्यद मुश्ताक अली ट्रॉफीमध्ये अवघ्या २८ चेंडूंत शतक ठोकण्याचा जागतिक विक्रमही नोंदवलेला आहे. जरी सातत्याच्या अभावामुळे तो संघाबाहेर जात असला, तरी या खेळीने त्याने सीएसकेच्या विजयाचा मार्ग सुकर केला. हेही वाचा – Urvil Patel Record : उर्विल पटेलने रचला इतिहास! IPL च्या इतिहासातील ठोकलं सर्वात जलद अर्धशतक, पहिल्या ८ चेंडूत लगावले ६ षटकार सीएसकेचा सहावा विजय – सामन्याबद्दल बोलायचं तर उर्विल पटेलच्या स्फोटक फलंदाजीमुळे सीएसकेने लखनौला पाच गडी राखून पराभूत केले. प्रथम फलंदाजी करताना लखनौने २० षटकांत आठ गडी गमावून २०३ धावा केल्या. प्रत्युत्तरात, सीएसकेने १९.२ षटकांत पाच गडी गमावून २०८ धावा करत सामना जिंकला. अशाप्रकारे, लखनौचा प्रवास जवळपास संपला आहे, कारण त्यांच्यापुढील मार्ग खूप कठीण झाला आहे. या सामन्यात उर्विल पटेलने सीएसकेसाठी जोरदार फलंदाजी केली. त्याने दोन चौकार व आठ षटकारांच्या मदतीने २३ चेंडूंमध्ये ६५ धावांची वादळी खेळी साकारली.
