Pramod Gaikwad : अकोल्याचे अतिरिक्त जिल्हाधिकारी प्रमोद गायकवाड यांच्यावर अखेर निलंबनाची कारवाई करण्यात आली आहे. तसेच खाण आणि स्टोन क्रशर मालकांकडून खंडणी मागितल्याच्या आरोपावरून त्यांच्याविरोधात गुन्हा दाखल झाल्यानंतर सरकारने ही मोठी कारवाई केली आहे. या प्रकरणात 15 हजार रुपयांची लाच मागणी केल्याचा आरोप प्रमोद गायकवाड (Pramod Gaikwad) यांच्यावर असून, खाणमालकांच्या तक्रारीनंतर एमआयडीसी पोलिस ठाण्यात त्यांच्याविरोधात गुन्हा नोंदवण्यात आला होता. गुन्हा दाखल झाल्यानंतर या प्रकरणी पोलिसांनी सखोल चौकशी करत सबळ पुराव्यांच्या आधारे गुन्हा दाखल करण्यात आला. गुन्हा दाखल झाल्यानंतर प्रमोद गायकवाड यांना सक्तीच्या रजेवर पाठवण्यात आले होते. Pramod Gaikwad खाणमालकांनी केलेल्या तक्रारीनुसार, गायकवाड यांनी प्रत्येकी 15 हजार रुपयांची लाचेची मागणी करत धमकावल्याचा आरोप आहे. अतिरिक्त जिल्हाधिकारी दर्जाच्या अधिकाऱ्यावर गुन्हा दाखल होऊन त्यानंतर निलंबनाची कारवाई झाल्याने जिल्ह्यातील प्रशासकीय वर्तुळात मोठी खळबळ उडाली आहे. आरोप काय? Pramod Gaikwad तक्रारदारांनी दिलेल्या माहितीनुसार, मार्च महिन्यादरम्यान वारंवार फोन करून तसेच प्रत्यक्ष भेट घेऊन पैशांची मागणी करण्यात आली. काही सदस्यांकडून पैसे घेतल्याचा आरोप करतानाच उर्वरित सदस्यांनाही रक्कम देण्यासाठी दबाव टाकण्यात आल्याचे तक्रारीत नमूद करण्यात आले आहे. पैसे न दिल्यास कारवाई करण्याची धमकी दिल्याचाही गंभीर आरोप तक्रारीत करण्यात आला आहे. या प्रकरणी संबंधित अधिकाऱ्यावर गुन्हा नोंदवून सखोल चौकशी करण्याची मागणी करण्यात आली होती. त्यानुसार पोलिसांनी चौकशी करून सबळ पुराव्यांनिशी प्रमोद गायकवाड यांच्यावर गुन्हा दाखल केला आहे. आता या प्रकरणातील पुढील कारवाई पोलिस करत आहेत. हेही वाचा : Shaheen Bhatt engagement: आलिया भट्टच्या बहिणीचा साखरपुडा; ईशान मेहरासोबत नात्याची केली नवी सुरुवात
