Vinayak Raut : उद्धव ठाकरेंच्या शिवसेनेचे माजी खासदार विनायक राऊत आणि त्यांचा मुलगा गितेश राऊत मोठ्या अडचणीत सापडले आहेत. गितेश यांच्या पत्नी गिरीजा राऊत यांनी छळवणूक, घरगुती हिसांचार, अघोरी कृत्य यासंह अनेक हादरवणारे आरोप गितेश राऊत, विनायक राऊत यांच्यासह राऊत कुटुंबावर केले आहेत.

या आरोपांमुळे राजकीय वर्तुळात एकच खळबळ उडाली आहे. हे आरोप अत्यंत गंभीर असून, आता विनायक राऊत यांनी सुनेने केलेल्या आरोपांवर पहिली प्रतिक्रिया देत काही सवाल उपस्थित केले आहेत.

…तेव्हाच तक्रार का केली नाही : विनायक राऊतांचा सवाल 

कुटुंबीयावरील आरोप निखालस खोटे आहे. गितेश यांचे लग्न झाल्यावर त्यांच्या पत्नी तीन वर्षाासून सोबत राहत नाही. २०१८ ते २०२२ पर्यंत अघोरी कृत्य केलं जात होते असं त्यांनी म्हटलंय. आईवडिलांना बाबा बुवाकडे घेऊन जाताना यायचे, असं ती म्हणते. आईबाबा सोबत होते. असे प्रकार होते तर तेव्हाच तक्रार का केली नाही, असा सवाल विनायक राऊतांनी विचारला आहे. आज २०२६ मध्ये ते तक्रार करतात. त्यातूनच दिसून येतंय की यामागे काळंबेरं आहे, अशी पहिली प्रतिक्रिया सुनेने केलेल्या आरोपांवर विनायक राऊत यांनी दिली आहे.

विनायक राऊत यांच्या सुनबाई गिरीजा राऊत यांनी अनेक हादरवणारे आरोप केले आहेत. गिरीजा राऊत यांनी केलेल्या दाव्यानुसार थ्री बीचएचके फ्लॅट, टेरेस फ्लॅट, पाच कोटी मागितली. इलेक्ट्रिक कार मागितली. हे दावे विनायक राऊत यांनी फेटाळून लावले असून, सर्व आरोप खोटे आहेत, असे म्हटले आहे. सुनेने केलेल्या आरोपांवर विनायक राऊत आणि त्यांचा मुलगा गितेश राऊत यांनी माध्यमांसमोर आपली बाजू मांडली.

तक्रारीनंतर पोलिसांनी विनायक राऊत, गितेश राऊत आणि इतर सात जणांविरोधात संबंधित कलमांनुसार गुन्हा दाखल केला असून, या प्रकरणाचा पुढील तपास सुरू आहे. तपासात काय निष्पन्न होते याकडे सगळ्यांचे लक्ष लागले आहे.

हेही वाचा : Solapur : 74 मिनिटे स्टेशनवर थांबली ट्रेन अन् घडला थरार! यशवंतपूर-बिकानेर एक्स्प्रेसवर दरोडा

गिरीजा राऊत यांचे हादरवणारे आरोप

• लग्नानंतर हनिमूनसाठी ऊटीला गेल्यानंतर पती गितेश राऊत यांनी आपल्याशी शारीरिक संबंध ठेवण्यास टाळाटाळ केली. याबाबत विचारणा केल्यावर त्यांनी मानसिक जुळवणूक अधिक महत्त्वाची असल्याचे सांगितले.
•  २०१८ मध्ये ऑस्ट्रेलिया दौऱ्यादरम्यानही पतीने आपल्याशी अंतर ठेवले. शारीरिक संबंधांबाबत झालेल्या वादानंतर शिवीगाळ, मारहाण आणि उपाशी ठेवण्यासारखा मानसिक व शारीरिक छळाचा आरोप.
• जादूटोणा केल्याचे, केस कापल्याचे, गोमूत्र पाजल्याचे आणि विविध प्रकारे मानसिक छळ केल्याचे गंभीर आरोप.

हेही वाचा : Cancer surgery : ‘आपुलकी मेडिकल सेंटर’मध्ये कर्करोगावरील दुर्मिळ शस्त्रक्रिया यशस्वी; रुग्णाला मिळाले नवजीवन