नवी दिल्ली : भारताला शिक्षणाची जागतिक राजधानी बनवण्याच्या स्वप्नाला वाचा फोडणाऱ्या “अनलॉकिंग द ग्लोबल युनिव्हर्सिटी : रीइमॅजिनिंग इंडिया ॲज द वर्ल्ड्स एज्युकेशन कॅपिटल” ( Unlocking the Global University : Reimagining India as the World’s Education Capital) या पुस्तकाचा प्रकाशन सोहळा नुकताच राजधानी दिल्लीत मोठ्या दिमाखात पार पडला. विश्वकर्मा विद्यापीठ व संस्थांचे वरिष्ठ प्राध्यापक तथा मुख्य कार्यकारी अधिकारी प्रा. डॉ. बिपिन सुळे यांनी लिहिलेले हे पुस्तक लोकप्रिय लेखक चेतन भगत यांच्या हस्ते प्रकाशित झाले. कार्यक्रमाला शिक्षणतज्ज्ञ, धोरणकर्ते, आणि विचारवंतांची मोठी उपस्थिती होती. चेतन भगत यांनी पुस्तकाची प्रशंसा करताना म्हटले, “हे केवळ स्वप्न नाही, तर भारताला जागतिक शिक्षण महासत्ता बनवण्याची ठोस ब्ल्यूप्रिंट आहे. भारताला जागतिक शैक्षणिक पॉवरहाऊसमध्ये रूपांतरित करण्याचा पुस्तकाचा धाडसी दृष्टिकोन आहे. डॉ. सुळे यांनी दाखवलेला मार्ग अत्यंत व्यावहारिक आणि प्रेरणादायी आहे.” डॉ. सुळे यांचे हे पुस्तक भारताच्या उच्च शिक्षण क्षेत्राला नव्या उंचीवर नेणारे मानले जात आहे.
