Union Budget 2025 ।  देशाच्या सर्वसाधारण अर्थसंकल्पाच्या सादरीकरणासाठी आता फक्त काही तास उरले आहेत. आज अर्थमंत्री निर्मला सीतारमण सकाळी ११ वाजता संसदेत २०२५-२६ या आर्थिक वर्षाचा अर्थसंकल्प सादर करणार आहेत. त्यापूर्वी केंद्रीय अर्थमंत्री निर्मला सीतारमण अर्थ मंत्रालयात पोहोचल्या आहेत. तिथून त्या राष्ट्रपती भवनात जातील.

राष्ट्रपती द्रौपदी मुर्मू अर्थसंकल्पाला मंजुरी देतील Union Budget 2025 ।  

राष्ट्रपती द्रौपदी मुर्मू अर्थसंकल्पाला मंजुरी देतील. त्यानंतर मंत्रिमंडळ बैठकीत अर्थसंकल्पावर शिक्कामोर्बत झाल्यानंतर अर्थमंत्री सीतारमण अर्थसंकल्प संसदेत सादर करतील. अर्थमंत्री निर्मला सीतारमण सकाळी ८.३० वाजता त्यांच्या निवासस्थानावरून नॉर्थ ब्लॉकला रवाना होतील. यानंतर ती बजेट टीमसह राष्ट्रपती भवनला रवाना होईल. येथे त्या राष्ट्रपती द्रौपदी मुर्मू यांना अर्थसंकल्पाची प्रत सुपूर्द करतील.

#WATCH | Delhi: Union Finance Minister Nirmala Sitharaman arrives at the Ministry of Finance. She will present #UnionBudget2025 at the Parliament today. pic.twitter.com/T59lxfo5YT

— ANI (@ANI) February 1, 2025

सकाळी १० वाजता अर्थसंकल्प घेऊन संसदेत प्रवेश Union Budget 2025 ।  
राष्ट्रपतींकडून अर्थसंकल्प मंजूर झाल्यानंतर, त्या पुन्हा मंत्रालयात परततील. हे फोटोशूट सकाळी ९ वाजता नॉर्थ ब्लॉकच्या गेट क्रमांक २ वर होईल. यानंतर, अर्थमंत्री निर्मला सीतारमण आणि अर्थ राज्यमंत्री पंकज चौधरी सकाळी १० वाजता अर्थसंकल्प घेऊन संसदेत प्रवेश करतील. फोटोशूट इथेच होईल.

पंतप्रधान मोदींच्या अध्यक्षतेखालील केंद्रीय मंत्रिमंडळाची बैठक आज सकाळी १०.१५ ते १०.४० या वेळेत संसद भवन संकुलात होईल, ज्यामध्ये मंत्रिमंडळाकडून अर्थसंकल्पाला मंजुरी दिली जाईल. मंत्रिमंडळाच्या मंजुरीनंतर, अर्थमंत्री सकाळी ११ वाजता लोकसभेत अर्थसंकल्प सादर करतील.
हेही वाचा
Budget 2025: सर्वात मोठे ते सर्वात लहान अर्थसंकल्पीय भाषण…जाणून घ्या कोणत्या अर्थमंत्र्यांच्या नावावर आहे विक्रम