Uddhav Thackeray : विधान परिषदेच्या ९ जागा मे महिन्यात रिक्त होणार आहेत. यामध्ये माजी मुख्यमंत्री उद्धव ठाकरे देखील आहेत. त्यांचा विधान परिषदेच्या सदस्यत्वाचा कार्यकाळ १३ मे २०२६ रोजी संपणार आहे. त्यामुळे उद्धव ठाकरे पुन्हा विधान परिषदेच्या निवडणुकीत उतरणार असल्याची शक्यता आहे. मात्र, यावेळी त्यांना निवडून येण्यासाठी मोठ्या आव्हानांचा सामना करावा लागेल.

महाविकास आघाडीचे सरकार राज्यात असताना उद्धव ठाकरे मुख्यमंत्री झाले. त्यांनी मुख्यमंत्री पदाची शपथ घेतल्यानंतर अनेकांनी शंका उपस्थित केल्या होती. याचे कारण म्हणजे उद्धव ठाकरे विधिमंडळाच्या विधानसभा किंवा विधानपरिषदेचे सदस्य नव्हते. त्यामुळे त्यांनी विधानपरिषदेची निवडणूक लढवली होती. त्यानंतर ते विधानपरिषदेवर सदस्य म्हणून गेले होते.

आता त्यांच्या सदस्यत्वाची मुदत अवघ्या अडीच महिन्यांनी संपणार आहे. त्यामुळे उद्धव ठाकरे पुन्हा विधान परिषदेची निवडणूक लढवणार का हे पाहणे महत्वाचे असणार आहे. उद्धव ठाकरे मुख्यमंत्री असताना त्यांना विधान परिषदेच्या निवडणुकीत अडचण आली नाही. आता मात्र परिस्थिती पूर्णपणे वेगळी आहे. जर उद्धव यांनी विधान परिषद पुन्हा लढवली तर यावेळी त्यांच्यासमोर संख्याबळाची समस्या उद्धभू शकते.

दुसरीकडे विधान परिषदेच्या आधी सात जागांसाठी राज्यसभेची निवडणूक होणार आहे. ही निवडणूक आधी पार पडल्यास विधान परिषदेचे समीकरण बदलू शकते असे बोलले जात आहे. राज्यसभेसाठी त्यांना राष्ट्रवादी शरद पवार गट आणि काँग्रेसला पाठिंबा द्यावा लागणार आहे. तसे झाल्यास उद्धव ठाकरे विधान परिषदेवर जाण्याचा मार्ग सुकर होऊ शकतो.

विधान परिषदेच्या जवळपास ९ जागा या मे महिन्यात रिक्त होणार आहेत. या जागा विधान सभेतून विधान परिषदेसाठी निवडल्या जाणार आहेत. अशा वेळी विधान परिषदेत मविआचा केवळ एकच उमेदवार निवडून येवू शकतो. त्यामुळे अशा स्थितीत मविआचा उमेदवार उद्धव ठाकरे असणार की आणखी कोण हे पाहावे लागणार आहे. उबाठा गटाचे नेते खासदार संजय राऊत यांनी आज घेतलेल्या पत्रकार परिषदेत उद्धव ठाकरे यांनी विधान परिषदेची निवडणूक लढवावी, अशी विनंती करणार असल्याचे सांगितले आहे.

हेही वाचा : Russia knife attack : रशियात चाकूहल्ल्याने खळबळ; भारतीय विद्यार्थी जखमी, पकडले जाताच आरोपीने…