Divyanka Tripathi Twin Babies: छोट्या पडद्यावरील लोकप्रिय अभिनेत्री दिव्यांका त्रिपाठी आणि अभिनेता विवेक दहिया यांच्या घरी आनंदाची बातमी आली आहे. लग्नाच्या अनेक वर्षांनंतर या लोकप्रिय जोडप्याने जुळ्या मुलांचे स्वागत केले आहे. सोशल मीडियावर ही गोड बातमी शेअर होताच चाहत्यांकडून आणि मनोरंजन विश्वातील कलाकारांकडून शुभेच्छांचा वर्षाव सुरू झाला आहे.

दिव्यांका त्रिपाठीला चाहत्यांमध्ये ‘ईशी माँ’ या नावाने विशेष ओळख मिळाली आहे. वयाच्या ४१व्या वर्षी ती आई बनल्याची बातमी समोर येताच चाहत्यांमध्ये मोठा उत्साह पाहायला मिळाला. दिव्यांका आणि विवेक यांनी त्यांच्या अधिकृत सोशल मीडिया अकाउंटवर एक खास पोस्ट शेअर केली. या पोस्टमध्ये दोन लहान बाळांचे फोटो दिसत असून त्यांनी हलक्या निळ्या रंगाचे कपडे घातलेले आहेत.  (Divyanka Tripathi Twin Babies)

या पोस्टसोबत दिव्यांकाने भावूक कॅप्शन लिहिले. “प्रतीक्षा अखेर संपली… आमचे ‘मुलगे’ आले आहेत आणि आयुष्य आता आणखी सुंदर वाटत आहे,” असे तिने म्हटले. तर विवेक दहियानेही आपल्या पोस्टमध्ये आनंद व्यक्त करत “माझे करण-अर्जुन आले” असे लिहित चाहत्यांकडून प्रेम आणि आशीर्वाद मागितले.

 

View this post on Instagram

 

A post shared by Vivek Dahiya (@vivekdahiya)

ही पोस्ट सोशल मीडियावर व्हायरल होताच चाहत्यांनी कमेंट्सचा अक्षरशः पाऊस पाडला. अनेक कलाकारांनीही या जोडप्याला शुभेच्छा दिल्या. अभिनेत्री सिरेन मिर्जा, शालिनी कपूर, सुरभी ज्योती, युविका चौधरी, जेमी लीवर आणि हितेन तेजवानी यांसारख्या कलाकारांनी शुभेच्छा दिल्या.

दिव्यांका आणि विवेक यांची पहिली भेट लोकप्रिय मालिका ‘ये है मोहब्बतें’ च्या सेटवर झाली होती. मैत्रीचं प्रेमात रूपांतर झाल्यानंतर ८ जुलै २०१६ रोजी दोघांनी भोपाळमध्ये लग्नगाठ बांधली. त्यानंतर अनेक वर्षांनी त्यांच्या आयुष्यात आता दुहेरी आनंद आला आहे.  (Divyanka Tripathi Twin Babies)

Divyanka Tripathi

चाहत्यांच्या मते, हे जोडपं नेहमीच एकमेकांना साथ देताना दिसलं आणि आता पालक झाल्यानंतर त्यांच्या आयुष्यातील हा नवा टप्पा आणखी खास ठरणार आहे. सोशल मीडियावर सध्या दिव्यांका आणि विवेकच्या या आनंदवार्तेची जोरदार चर्चा सुरू आहे.  (Divyanka Tripathi Twin Babies)