Trump Tariff on India। अमेरिकेचे राष्ट्राध्यक्ष डोनाल्ड ट्रम्प यांनी रशियाकडून तेल खरेदी करणाऱ्या देशांवर कठोर निर्बंध लादणारे विधेयक मंजूर केले आहे. यामुळे भारत आणि चीनवरील अमेरिकेच्या करांमध्ये लक्षणीय वाढ होऊ शकते, काही प्रकरणांमध्ये ते 500 टक्क्यांपर्यंत पोहोचू शकते. युक्रेन युद्धादरम्यान रशियावर दबाव आणण्यासाठी हे पाऊल उचलण्यात आले आहे.

रिपब्लिकन सिनेटर लिंडसे ग्राहम यांनी सोशल मीडियावर याची माहिती दिलीय. अध्यक्ष ट्रम्प यांनी विधेयकाला मान्यता दिलीय.  तसंच ट्रम्प यांच्यासोबतची बैठक चांगली झाली असून पुढील आठवड्यात काँग्रेसमध्ये या विधेयकावर मतदान होऊ शकते असं त्यांनी म्हटलंय.

रशियाकडून तेल खरेदी करणाऱ्यांवर कारवाई Trump Tariff on India। 
लिंडसे ग्राहम आणि डेमोक्रॅटिक सिनेटर रिचर्ड ब्लूमेंथल यांनी संयुक्तपणे मांडलेले हे विधेयक, जाणूनबुजून रशियाकडून तेल आणि युरेनियम खरेदी करणाऱ्या देशांवर कडक निर्बंध लादेल. अमेरिकेचा असा दावा आहे की, यामुळे रशियाला त्यांचे युद्ध सुरू ठेवण्यासाठी निधी मिळतो.

भारत, चीन आणि ब्राझीलवर दबाव
सिनेटर ग्राहम यांच्या मते, हे विधेयक राष्ट्राध्यक्ष ट्रम्प यांना भारत, चीन आणि ब्राझीलसारख्या देशांवर स्वस्त रशियन तेल खरेदी करणे थांबवण्यासाठी दबाव आणण्याचे अधिकार देईल. गेल्या वर्षी ट्रम्प यांनी भारतातून आयात होणाऱ्या वस्तूंवर २५ टक्के कर लादला. याव्यतिरिक्त, रशियाकडून खरेदी केलेल्या तेलावर २५ टक्के अतिरिक्त कर लादण्यात आला. यामुळे काही भारतीय वस्तूंवरील एकूण कर ५० टक्क्यांवर आला आणि दोन्ही देशांमधील संबंध बिघडले. करांवरून अमेरिका आणि चीनमध्ये चीनसोबतचा तणावही वाढला आहे. अमेरिकेने चिनी वस्तूंवर १४५ टक्क्यांपर्यंत कर लादला, ज्याला उत्तर म्हणून चीनने अमेरिकन वस्तूंवर १२५ टक्के कर लादला.

ट्रम्पचे भारतावरील विधान Trump Tariff on India। 
नुकतेच, ट्रम्प यांनी भारतावर नवीन कर लादण्याची शक्यता दर्शवली आहे. माध्यमांशी बोलताना त्यांनी सांगितले की, पंतप्रधान नरेंद्र मोदींना माहित होते की मी नाखूष आहेत. तसेच, “पंतप्रधान मोदी एक चांगला माणूस आहेत, परंतु मला आनंदी ठेवणे महत्त्वाचे होते. आपण लवकरच कर वाढवू शकतो.” असे त्यांनी म्हटले.

तांदळावरील कराचा लक्ष्य इशारा
गेल्या महिन्यात ट्रम्पने भारतीय तांदळावरही नवीन कर लादण्याची धमकी दिली. व्हाईट हाऊसमध्ये अमेरिकन शेतकऱ्यांनी भारत, चीन आणि थायलंडवर स्वस्त धान्य विकल्याचा आरोप केल्यानंतर हे घडले.

वाटाघाटी थांबल्या
भारत आणि अमेरिका यांच्यातील सुरू असलेल्या कर वाटाघाटी सध्या ठप्प आहेत. भारताने अमेरिकन कृषी वस्तूंवरील कर कमी करावेत अशी अमेरिकेची इच्छा आहे. भारताने आपल्या शेतकऱ्यांच्या आणि दुग्धजन्य क्षेत्राच्या सुरक्षेशी तडजोड करणार नाही असे भारत सरकारने स्पष्टपणे सांगितले आहे.