TRF released picture Pahalgam attack। पहलगाम दहशतवादी हल्ल्याबाबत संयुक्त राष्ट्र सुरक्षा परिषदेच्या (UNSC) निर्बंध देखरेख पथकाने एक अतिशय खळबळजनक अहवाल दिला आहे. संयुक्त राष्ट्रांनी याविषयी बोलताना, द रेझिस्टन्स फ्रंट (टीआरएफ) ने पहलगाम दहशतवादी हल्ल्याची जबाबदारी दोनदा स्वीकारली आणि घटनेच्या ठिकाणाचा फोटो देखील प्रकाशित केला” म्हटले. तसेच संयुक्त राष्ट्रांनी आपल्या अहवालात “पाकिस्तानस्थित लष्कर-ए-तैयबा (एलईटी) च्या पाठिंब्याशिवाय हा हल्ला होऊ शकला नसता”  असेही म्हटले आहे.

या हल्ल्यात ५ दहशतवादी सहभागी होते TRF released picture Pahalgam attack। 

इस्लामिक स्टेट, अल-कायदा आणि त्यांच्याशी संबंधित व्यक्ती आणि संस्थांवरील विश्लेषणात्मक समर्थन आणि निर्बंध देखरेख पथकाच्या ३६ व्या अहवालात २२ एप्रिल रोजी जम्मू आणि काश्मीरमधील पहलगाम येथे झालेल्या दहशतवादी हल्ल्याचा उल्लेख करण्यात आला आहे. या हल्ल्यात, दहशतवाद्यांनी २६ जणांना त्यांचा धर्म विचारल्यानंतर गोळ्या घालून ठार मारले होते.समोर आलेल्या माहितीनुसार, या हल्ल्यात पाच दहशतवादी सहभागी होते.

टीआरएफने छायाचित्रे प्रकाशित करून हल्ल्याची जबाबदारी घेतली 
संयुक्त राष्ट्रांच्या अहवालात म्हटले आहे की टीआरएफने २२ एप्रिल रोजीच हल्ल्याची जबाबदारी स्वीकारली होती आणि घटनेच्या ठिकाणाचा फोटो देखील प्रकाशित केला होता. दुसऱ्या दिवशी टीआरएफने पुन्हा हल्ल्याची जबाबदारी स्वीकारली, परंतु २६ एप्रिल रोजी आपला दावा मागे घेतला. हा अहवाल संयुक्त राष्ट्र सुरक्षा परिषदेच्या १२६७ आयएसआयएल (दाएश) आणि अल-कायदा प्रतिबंध समितीला सादर करण्यात आला आहे. यानंतर टीआरएफकडून कोणतेही विधान आले नाही किंवा इतर कोणत्याही गटाने जबाबदारी घेतली नाही, असे त्यात म्हटले आहे.

लष्कराच्या पाठिंब्याशिवाय हा हल्ला शक्य नाही TRF released picture Pahalgam attack। 
भारताचा दावा बरोबर असल्याचे सिद्ध करताना, संयुक्त राष्ट्रांनी आपल्या अहवालात म्हटले आहे की, पाकिस्तानस्थित लष्कर-ए-तैयबाच्या पाठिंब्याशिवाय हा हल्ला शक्य नव्हता आणि टीआरएफ आणि लष्कर यांच्यात संबंध आहेत. संयुक्त राष्ट्रांच्या एका सदस्य देशाच्या हवाल्याने हे म्हटले आहे. दुसऱ्या सदस्य देशाने म्हटले आहे की हा हल्ला लष्करचे दुसरे नाव असलेल्या टीआरएफने केला आहे. अहवालात असेही म्हटले आहे की प्रादेशिक संबंध अजूनही नाजूक आहेत आणि “या प्रादेशिक तणावाचा फायदा दहशतवादी गट घेऊ शकतात असा धोका आहे.”

नंतर अमेरिकेने टीआरएफवर बंदी घातली
पहलगाम दहशतवादी हल्ल्यानंतर, अमेरिकेने जुलैमध्ये टीआरएफला परदेशी दहशतवादी संघटना आणि विशेष नियुक्त जागतिक दहशतवादी म्हणून सूचीबद्ध केले. २५ एप्रिल रोजी, संयुक्त राष्ट्र सुरक्षा परिषदेने एक निवेदन जारी केले की, अशा घृणास्पद दहशतवादी कृत्यांसाठी जबाबदार असलेल्या गुन्हेगारांना, कट रचणाऱ्यांना, वित्तपुरवठा करणाऱ्यांना आणि प्रायोजकांना न्यायासमोर आणणे आवश्यक आहे. तथापि, पाकिस्तानच्या दबावाखाली, त्या निवेदनात टीआरएफचे नाव समाविष्ट करण्यात आले नाही. परराष्ट्र मंत्री एस. जयशंकर यांनी सोमवारी संसदेत सांगितले की, सुरक्षा परिषदेतील विधानावरील चर्चेदरम्यान, पाकिस्तानने टीआरएफच्या नावाचा कोणताही उल्लेख काढून टाकण्याचा प्रयत्न केला होता.

ऑपरेशन सिंदूरद्वारे भारताचा बदला 
पहलगाम दहशतवादी हल्ल्याला प्रत्युत्तर म्हणून, भारताने पाकिस्तान आणि पाकव्याप्त काश्मीर (पीओके) मधील दहशतवादी पायाभूत सुविधांना लक्ष्य करून ‘ऑपरेशन सिंदूर‘ सुरू केले. संयुक्त राष्ट्रांच्या अहवालात असेही म्हटले आहे की इस्लामिक स्टेट-खोरासान अजूनही मध्य आणि दक्षिण आशिया आणि जागतिक स्तरावर सर्वात मोठा धोका आहे. (एपी)