MI vs SRH Travis Head becomes 2nd fastest Thousand IPL Runs : हैदराबादचा सलामीवीर ट्रॅव्हिस हेडने मुंबईविरुद्धच्या आयपीएल सामन्यात एक नवीन टप्पा गाठला आहे. वानखेडे स्टेडियमवर खेळल्या गेलेल्या या सामन्यात, ट्रॅव्हिस हेडने सामन्याच्या पहिल्याच डावात एक खास कामगिरी केली. जरी तो नेहमीप्रमाणे आक्रमक फलंदाजी करत नव्हता, तरीही त्याने त्याच्या संघासाठी एक संयमी खेळी खेळली. या सामन्यात त्याने आयपीएलमधील त्याच्या एक हजार धावा पूर्ण केल्या आहेत.
आयपीएलमध्ये सर्वात जलद १००० धावा करणारा दुसरा फलंदाज –
ट्रॅव्हिस हेडने आयपीएलमध्ये आपल्या १००० धावा पूर्ण केल्या आहेत. या स्पर्धेत सर्वात जलद १००० धावा करणारा तो दुसरा फलंदाज ठरला आहे. येथे आपण चेंडूच्या बाबतीत बोलत आहोत. आयपीएलमध्ये सर्वात जलद १००० धावा करणारा फलंदाज अजूनही आंद्रे रसेल आहे, त्याने या स्पर्धेत फक्त ५४५ चेंडू खेळून १००० धावा केल्या. त्याचबरोबर ट्रॅव्हिस हेडने ५७५ चेंडू खेळून एक हजार धावा केल्या आहेत. म्हणजेच तो आंद्रे रसेल नंतर दुसऱ्या क्रमांकावर पोहोचला आहे. या सामन्यात तो २९ चेंडूत फक्त २८ धावाच करु शकला.
🚨 𝑴𝑰𝑳𝑬𝑺𝑻𝑶𝑵𝑬 🚨
Australia’s aggressive batter Travis Head completes 1000 IPL runs, achieving the milestone while playing for both RCB and SRH 🧡🤝#TravisHead #IPL2025 #SRH #RCB #Sportskeeda pic.twitter.com/rVnpCN8bJy
— Sportskeeda (@Sportskeeda) April 17, 2025
हेनरिक क्लासेन टाकले मागे –
ट्रॅव्हिस हेडने हेनरिक क्लासेनसह अनेक फलंदाजांना मागे टाकले आहे. हेनरिक क्लासेनने ५९४ चेंडू खेळून आयपीएलमध्ये १००० धावांचा टप्पा गाठला होता. या यादीत चौथ्या क्रमांकावर वीरेंद्र सेहवागचे नाव आहे. त्याने ६०४ चेंडू खेळून एक हजार धावा केल्या. ग्लेन मॅक्सवेलने ६१० चेंडू खेळून आयपीएलमध्ये एक हजार धावा पूर्ण केल्या. युसूफ पठाण आणि सुनील नरेन यांनी आयपीएलमध्ये ६१७ चेंडूंचा सामना करून १००० धावा केल्या आहेत.
हेही वाचा – Zaheer Khan : ‘तू माझं करिअर उध्वस्त केलंस…’, विराटवर संतापला होता झहीर खान, काय आहे प्रकरण?
सर्वात कमी चेंडूत १००० धावा करणारे आयपीएलमधील फलंदाज –
आंद्रे रसेल: ५४५
ट्रॅव्हिस हेड : ५७५
हेनरिक क्लासेन: ५९४
वीरेंद्र सेहवाग: ६०४
ग्लेन मॅक्सवेल: ६१०
युसूफ पठाण: ६१७
सुनील नरेन: ६१७
