Train Fare Hike। देशात दररोज लाखो प्रवासी देशातील एका शहरातून दुसऱ्या शहरात रेल्वेने प्रवास करतात. रेल्वे ही सामान्य माणसाची जीवनरेखा मानली जाते. आता प्रवाशांसाठी एक महत्त्वाची बातमी समोर आली आहे. भारतीय रेल्वेने रेल्वे भाड्यांबाबत एक मोठा निर्णय घेतला आहे, ज्याचा थेट परिणाम लांब पल्ल्याच्या प्रवाशांवर होणार आहे. रेल्वेने प्रवास भाड्यात वाढ केली असून हे बदल २६ डिसेंबर २०२५ पासून लागू होणार आहेत. रेल्वेच्या या निर्णयानंतर अनेक मार्गांवर प्रवास करणे पूर्वीपेक्षा महाग होऊ होण्याची शक्यता वर्तवण्यात येत आहे. मात्र रेल्वेने २१५ किलोमीटरपर्यंतच्या प्रवासाचे भाडे न वाढवण्याचा निर्णय घेतला आहे, ही एक दिलासादायक बाब आहे. याचा अर्थ असा की सध्यातरी दररोजच्या प्रवाशांवर याचा परिणाम होणार नाही. परंतु, लांब पल्ल्याच्या प्रवाशांना थोडीशी रक्कम मोजावी लागू शकते. लांब अंतराच्या भाड्यात ‘इतकी’ वाढ Train Fare Hike। रेल्वेने भाडेवाढीबाबत माहिती दिली आहे. हा बदल फक्त २१५ किलोमीटरपेक्षा जास्त अंतराच्या प्रवासांना लागू होणार आहे. सामान्य श्रेणीत, प्रवाशांना आता प्रति किलोमीटर १ पैसे जास्त द्यावे लागतील. तर मेल, एक्सप्रेस आणि एसी श्रेणींमध्ये, ही वाढ प्रति किलोमीटर २ पैसे असेल. उदाहरणार्थ, १,००० किलोमीटरच्या प्रवासासाठी, त्या मार्गावर नॉन-एसी ट्रेनने प्रवास केल्यास प्रवाशांना अंदाजे १० रुपये जास्त द्यावे लागतील. दरम्यान, संपूर्ण क्रांती एक्सप्रेस, वंदे भारत आणि राजधानी एक्सप्रेस सारख्या प्रीमियम ट्रेनमधून प्रवास करणाऱ्या प्रवाशांना अंदाजे २० रुपये जास्त द्यावे लागतील. एकूणच, प्रवाशांच्या खिशावरचा भार फारसा वाढलेला नाही.मात्र, थोडीशी वाढ करूनही खिशावर थोडासा परिणाम होईल. या प्रवाशांना अतिरिक्त भाडे द्यावे लागणार नाही भाडेवाढीमुळे रेल्वेने प्रवाशांनाही दिलासा दिला आहे. नवीन नियमांनुसार, सामान्य श्रेणीमध्ये २१५ किलोमीटरपर्यंत प्रवास करणाऱ्यांकडून कोणतेही अतिरिक्त भाडे आकारले जाणार नाही. याचा थेट फायदा दररोजच्या रेल्वे प्रवाशांना आणि कमी अंतराच्या प्रवाशांना होईल. कार्यालये, अभ्यासिका किंवा लहान शहरांमध्ये प्रवास करणाऱ्यांना होणार नाही. रेल्वेने यासंदर्भात बोलताना,”हा निर्णय सर्वसामान्यांना लक्षात घेऊन घेण्यात आला आहे.” असे म्हटले आहे. तसेच रेल्वेचा असा विश्वास आहे की लांब पल्ल्याच्या आणि प्रीमियम भाड्यात थोडीशी वाढ केल्याने संसाधनांमध्ये सुधारणा होईल आणि त्याचबरोबर कमी अंतराच्या प्रवाशांना दिलासा मिळेल. अशाप्रकारे, भाडेवाढीत संतुलन राखण्याचा प्रयत्न करण्यात आला आहे.
