Sanjay Raut : केंद्रीय निवडणूक आयोग आणि मुख्य निवडणूक आयुक्त ज्ञानेश कुमार यांच्याविरोधात विरोधकांनी आक्रमक भूमिका घेतली आहे. मतदार यादीच्या विशेष सखोल पुनरीक्षणाला (SIR) विरोध करत INDIA आघाडीतील खासदारांनी आज संसद भवनापासून निवडणूक आयोगाच्या कार्यालयापर्यंत मोर्चा काढण्याचे नियोजन केले आहे.

या मोर्चाच्या पार्श्वभूमीवर दिल्लीमध्ये कडेकोट सुरक्षा व्यवस्था करण्यात आली असून, मार्गावर बॅरिकेडिंगसह मोठा पोलीस आणि निमलष्करी दलाचा बंदोबस्त तैनात करण्यात आला आहे. मोर्चापूर्वी शिवसेना उद्धव बाळासाहेब ठाकरे पक्षाचे खासदार संजय राऊत यांनी सरकारवर टीका करत आक्रमक इशारा दिला आहे.

संसद भवन ते निवडणूक आयोगाच्या कार्यालयापर्यंत मोठ्या प्रमाणावर सुरक्षा दल तैनात करण्यात आल्याचा दावा त्यांनी केला. “सरकार खासदारांना घाबरायला लागलं आहे. आमच्यावर दांडुके चालवा, बंदुका रोखा; आम्ही निवडणूक आयोगावर जाणारच” असा थेट इशारा संजय राऊत यांनी दिला आहे.

आजचा INDIA आघाडीचा मोर्चा महत्त्वाचा मानला जात असून, दिल्लीतील सुरक्षा व्यवस्था आणि विरोधकांच्या आक्रमक भूमिकेमुळे या आंदोलनाकडे देशाचे लक्ष लागले आहे. एसआयआरमध्ये घोटाळे करून भाजपला मदत केली जात आहे. त्याचा निषेध म्हणून आम्ही निघालो आहोत, असे संजय राऊत म्हणाले.

जितके दिवस ते खूर्चीवर राहतील तितके दिवस मोदी आणि शाहांचं अध:पतन सुरू राहील : संजय राऊत

“कोर्टाची दिशाभूल ज्ञानेश कुमार यांनी केली आहे. अशा व्यक्तीला खूर्चीवर ठेवू नये. जितके दिवस ते खूर्चीवर राहतील तितके दिवस मोदी आणि शाहांचं अध:पतन सुरू राहील” असा खळबळजनक दावाही संजय राऊत यांनी केला आहे.

सर्वांनी एकत्र आलं पाहिजे : संजय राऊत

आम आदमी पार्टीने या आंदोलनात सहभागी व्हावं असं मत व्यक्त करत प्रत्येकाने अहंकार विसरला पाहिजे. स्वातंत्र्य लढ्यात काँग्रेसच्या नेतृत्वात डावे आणि समाजवादी उतरले होते. तसचं आताही सर्वांनी एकत्र आलं पाहिजे, असं आवाहन संजय राऊतांनी केले. उद्धव ठाकरे, केजरीवाल आणि स्टॅलिन यांचा कायम संवाद असतो. भविष्यात यावर चर्चा होईल, असेही संजय राऊतांनी स्पष्ट केले.

Nigeria Plane crash: नायजेरियात हवाई दलाच्या विमानाचा भीषण अपघात ; ३२ जणांचा मृत्यू, ३ दिवसांचा राष्ट्रीय दुखवटा