Sanjay Raut hits back at Nitesh Rane’s statement :  दिवंगत अभिनेता सुशांत सिंह राजपूत याची माजी मॅनेजर दिशा सालियन मृत्यू प्रकरण पुन्हा एकदा चर्चेत आलं आहे. दिशा सालियन हिच्या मृत्यूची नव्याने चौकशी करण्याचे निर्देश मुंबई उच्च न्यायालयाने दिल्यानंतर सीबीआयने या प्रकरणात एफआयआर नोंदवला आहे.

या एफआयआरमध्ये अनेक व्यक्तींची नावं असल्याचा दावा समोर आला असून, त्यात शिवसेना (उद्धव बाळासाहेब ठाकरे) नेते आदित्य ठाकरे यांच्या नावाचाही उल्लेख आहे. मात्र, तपास पूर्ण होईपर्यंत कोणालाही आरोपी मानू नये, असं हायकोर्टाने स्पष्ट केलं आहे.

या पार्श्वभूमीवर भाजप नेते नितेश राणे यांनी आदित्य ठाकरेंच्या चौकशीची मागणी केली आहे. दिशा सालियन प्रकरणात आदित्य ठाकरेंना अटक करून चौकशी करणे हा सीबीआयसमोरचा पर्याय असल्याचा दावा राणे यांनी केला. तसेच प्रभावशाली व्यक्ती तपासाच्या कक्षेबाहेर राहिल्यास निष्पक्ष तपासावर परिणाम होऊ शकतो, असंही त्यांनी म्हटलं होतं.

नितेश राणेंच्या या वक्तव्यावर शिवसेना (उद्धव बाळासाहेब ठाकरे) नेते संजय राऊत यांनी जोरदार पलटवार केला आहे. “तुम्ही ज्या पद्धतीने कोणाच्या तरी हातचं बाहुलं बनून आमच्यावर चिखलफेक करताय, ठाकरे कुटुंबाच्या प्रतिष्ठेचा आणि आमच्या अब्रूचा काही सवाल आहे की नाही?” असं संजय राऊत म्हणाले. तसेच ठाकरे कुटुंबाला लक्ष्य करण्यासाठी जुन्या प्रकरणांचा वापर केला जात असल्याचा आरोपही राऊतांनी केला.

‘संयमाचा बांध तुटला तर मी बोलेन’  (Sanjay Raut)

दिशा सालियन प्रकरणावर बोलताना संजय राऊत यांनी आपण अद्याप या विषयावर सविस्तर भाष्य केलेलं नसल्याचं सांगितलं. मात्र, संयमाचा बांध तुटल्यास आपण या प्रकरणाबाबत अधिक स्पष्टपणे बोलू, असा इशाराही त्यांनी दिला. ठाकरे कुटुंबाला लक्ष्य करण्यासाठी एक यंत्रणा काम करत असल्याचा गंभीर आरोप राऊत यांनी केला.

दरम्यान, दिशा सालियन मृत्यू प्रकरणाची नव्याने चौकशी सीबीआयकडे सुरू आहे. दिशाच्या वडिलांनी सीबीआय चौकशीत अनेक धक्कादायक दावे केले आहेत. आज दिशाचे वडील सतीश सालियन मातोश्रीवर जाऊन उद्धव ठाकरेंची भेट घेणार असल्याची माहिती समोर आली आहे. त्यामुळे या प्रकरणात पुढे कोणत्या घडामोडी घडतात याकडे संपूर्ण राज्याचे लक्ष लागले आहे.

Actress Bhagyashree: बाप्पाच्या आरतीवरून राजघराण्यात वाद; विसर्जन मिरवणुकीपासूनही भाग्यश्री दूर, नेमकं काय घडलं?