Shweta Tiwari : गेल्या काही दिवसांपासून लडाखमधील शिक्षणतज्ज्ञ आणि समाजसेवक सोनम वांगचुक यांच्या आंदोलनाची देशभरात चर्चा होती. मात्र, आज आंदोलनाच्या २१ व्या दिवशी दिल्ली पोलिसांनी वागचुंक यांना आंदोलन स्थळावरुन हटवलं. त्यानंतर त्यांना रुग्णालयात दाखल करण्यात आलं आहे.

यानंतर आता या आंदोलनाला वेगळं वळण लागलं असून, तीव्र प्रतिक्रिया उमटू लागल्या आहेत. अशातच अभिनेत्री श्वेता तिवारीने सोनम वांगचुक यांच्या आंदोलनाला पाठिंबा दिला असून कॅाकरोच जनता पार्टीवर टीका केली आहे.  (Shweta Tiwari)

श्वेता तिवारीने सोशल मीडियावर एक पोस्ट शेअर केली आहे. या पोस्टच्या माध्यमातून तिने सरकारने सोनम वांगचुक यांच्या मागण्यांकडे गांभीर्याने लक्ष द्यावे, असे आवाहन केले. तिच्या मते, हा लढा विद्यार्थ्यांच्या भविष्याशी आणि शिक्षणाच्या प्रश्नांशी निगडित असल्याने त्याकडे दुर्लक्ष करता कामा नये.

Sonam Wangchuk Wife : “माझ्या संमतीशिवाय कोणतंही औषध…”; सोनम वांगचुक यांना रुग्णालयात दाखल करताच पत्नीचा इशारा

मात्र, या पोस्टमध्ये श्वेताने ‘CJP’ (जिला तिने ‘कॉकरोच जनता पार्टी’ असे संबोधले) वरही टीका केली. “मी सोनम वांगचुक यांच्या पाठीशी आहे, पण CJP सोबत नाही,” असे स्पष्ट केले. तसेच तिने आंदोलनाचा वापर स्वतःचा राजकीय अजेंडा पुढे रेटण्यासाठी केल्याचा आरोप केला आहे. श्वेता तिवारीच्या या पोस्टनंतर सोशल मीडियावर विविध प्रतिक्रिया उमटत असून, तिची भूमिका चर्चेचा विषय ठरली आहे.

अभिजीत दिपकेंची मोठी घोषणा  (Shweta Tiwari)

सोनम वांगचुक यांना रुग्णालयात दाखल केल्यानंतर कॅाकरोच जनता पार्टीचे संस्थापक अभिजीत दिपके आमरण उपोषणाला बसणार असल्याची मोठी घोषणा त्यांनी केली आहे. याशिवाय २० जुलै रोजी चलो संसद हे आंदोलन देखील होणार असल्याचे जाहीर केले आहे. वांगचुक यांना पोलिसांनी बळजबरीने आंदोलन स्थळावरुन हटवलं असल्याचा गंभीर आरोपही दिपके यांनी केला आहे.

Priyanka Chopra’s first look of Varanasi movie: ‘ती हसत नाही तेव्हा तिच्या नजरेत आग असते!’ प्रियांका चोप्राचा ‘वाराणसी’मधील फर्स्ट लुक व्हायरल