Ramayana Movie : दिग्दर्शक नितेश तिवारी यांचा बहुप्रतिक्षित चित्रपट “रामायण: भाग १” अखेर जगभरातील चित्रपटगृहांमध्ये प्रदर्शित झाला आहे. आता चित्रपटला घेऊन प्रेक्षकांच्या प्रतिक्रिया समोर येत आहेत.

बऱ्याच काळापासून या चित्रपटाची प्रेक्षक आतुरतेने वाट पाहत होते. अखेर हा चित्रपट प्रेक्षकांच्या भेटीला आला आहे. हा चित्रपट मोठ्या स्केलवर तयार करण्यात आला असून त्याचे बजेट तब्बल ४०० कोटी आहे.

सोशल मीडियावर रामायण पाहिल्यानंतर प्रेक्षकांच्या प्रतिक्रिया समोर येत आहेत. अनेकांनी चित्रपटाचे भरभरून कौतुक केले आहे. तर काहींनी अजून चांगल्या प्रकारे चित्रपट करता आला असता असे म्हटले आहे.

प्रेक्षक चित्रपटाची भव्यता, चित्तथरारक दृश्ये आणि मोठ्या पडद्यावर कथा सादर करण्याच्या पद्धतीचे कौतुक करत आहेत. चित्रपटात व्हीएफेक्सचा मोठ्या प्रमाणावर वापर करण्यात आला आहे. त्यामुळे चित्रपट प्रेक्षकांचे लक्ष वेधून घेत आहे.

या सीनची सर्वाधिक चर्चा

या चित्रपटातील अनेक सीन्स अंगावर काटा आणाणारे असले तरी एका सीनची सर्वाधिक चर्चा रंगली आहे. रावण आणि जटायू यांच्यातील युद्ध. हा सीन मोठ्या पडद्यावर पाहताना एक वेगळा सिनेमॅटिक अनुभव देणारा ठरला आहे. काही प्रेक्षकांनी तर या चित्रपटाला “जादुई” असे देखील संबोधले आहे.

या चित्रपटात रणबीर कपूरने प्रभू राम, साई पल्लवीने माता सीता आणि यशने रावणाची भूमिका साकारली आहे. सनी देओलने प्रभू हनुमान आणि रवी दुबेने लक्ष्मणाची भूमिका साकारली आहे. या चित्रपटाची निर्मिती नमित मल्होत्रा ​​यांनी केली आहे. ए. आर. रहमान आणि प्रसिद्ध हॉलिवूड संगीतकार हॅन्स झिमर यांनी संगीत दिले आहे. हा चित्रपट दोन भागांमध्ये तयार करण्यात आला असून पहिला भाग रिलीज झाला असून दुसरा भाग २०२७ मध्ये दिवाळीत रिलीज करण्यात येणार आहे.

रामायण ठरणारा मोठा ओपनिंग चित्रपट? 

सेन्सॉर बोर्डाने (CBFC) ‘रामायण: भाग १’ ला ‘यू’ प्रमाणपत्र दिले आहे. चित्रपटाचा एकूण कालावधी १९५ मिनिटे, म्हणजेच ३ तास ​​आणि १५ मिनिटे आहे. ‘रामायण’ या चित्रपटाने बॉक्स ऑफिसवर कमाई करण्यास सुरुवात केली आहे. इंडस्ट्री ट्रॅकर सॅकनिल्कच्या प्राथमिक आकडेवारीनुसार, चित्रपटाने सकाळी ७ वाजेपर्यंत भारतात ३.६६ कोटी (US$३६.६ दशलक्ष) निव्वळ कमाई केली असून, त्याची एकूण कमाई ४.३२ कोटी (US$४३.२ दशलक्ष) झाली आहे. त्यामुळे हा चित्रपट चांगला ओपनिंग देणारा चित्रपट ठरू शकतो असा अंदाज बांधला जात आहे.

US Midterm Elections: इराणशी युद्ध करून ट्रम्प हरले का? निकालानंतर दिले उत्तर, म्हणाले,’मला संधी मिळाली तर…’