Pune Police : पुणे शहरात अवैध धंद्यांवर कठोर कारवाईचे आदेश असतानाच पोलीस दलातीलच दोन कर्मचाऱ्यांनी अवैध धंदेवाल्यांना थेट प्रोत्साहन दिल्याचा धक्कादायक प्रकार उघडकीस आला आहे. (Pune Police) या प्रकरणी सहकारनगर पोलीस ठाण्यातील सहायक पोलीस फौजदार आणि हवालदाराला तात्काळ निलंबित करण्यात आले आहे. ही कारवाई अमितेश कुमार यांच्या मार्गदर्शनाखाली करण्यात आली असून, पोलीस उप आयुक्त मिलिंद मोहिते यांनी निलंबनाचे आदेश दिले. निलंबित करण्यात आलेल्यांमध्ये सहायक पोलीस फौजदार बापुसाहेब किसनराव खुटवड आणि हवालदार अमोल प्रकाश पवार यांचा समावेश आहे. दोघेही सहकारनगर पोलीस ठाण्याच्या तपास पथकात (डीबी) कार्यरत होते. (Pune Police) व्हिडिओ व्हायरल; गैरप्रकार उघड (Pune Police) Pune Police : पुण्यात अवैध धंदेवाल्यांशी ‘सेटिंग’ करणाऱ्या दोन पोलिसांचे निलंबन; ‘तो’ व्हिडिओ व्हायरल झाल्यानंतर आयुक्तांचा दणका मार्च २०२६ मध्ये अवैध धंदा चालवणाऱ्या व्यक्तीकडून पैसे स्वीकारताना दोघांचा व्हिडिओ व्हायरल झाला. या व्हिडिओनंतर विभागीय चौकशी करण्यात आली. चौकशीत कर्तव्यावर असताना अवैध धंदेवाल्यांशी संपर्क ठेवणे, आर्थिक व्यवहार करणे आणि त्या धंद्यांना प्रोत्साहन देणे हे गंभीर गैरवर्तन सिद्ध झाले.दोघांविरुद्ध मुंबई पोलीस (शिक्षा व अपिले) नियम १९५६ तसेच मुंबई पोलीस अधिनियम १९५१ अंतर्गत कारवाई करण्यात आली असून, त्यांना तात्काळ निलंबित करण्यात आले आहे. (Pune Police) ‘वरदहस्त’ कोणाचा? (Pune Police) या घटनेनंतर सहकारनगर पोलीस ठाण्याच्या तपास पथकावरच प्रश्नचिन्ह निर्माण झाले आहे. घेतलेले पैसे इतर वरिष्ठांपर्यंत पोहोचले का? या वसुलीमागे कोणाचा वरदहस्त होता? अवैध धंद्यांचा ‘सेटिंग’ किती दिवसांपासून सुरू होते? अशा अनेक प्रश्नांची उत्तरे अद्याप अस्पष्ट आहेत. शहरात अवैध धंद्यांविरोधात कठोर कारवाईचे आदेश असतानाच पोलीस दलातील कर्मचाऱ्यांकडूनच गैरप्रकार घडल्याने संपूर्ण यंत्रणेच्या विश्वासार्हतेवर प्रश्नचिन्ह निर्माण झाले आहे. (Pune Police)
