IAS Transfers: राज्य शासनाने आज प्रशासकीय स्तरावर मोठे फेरबदल करत भारतीय प्रशासकीय सेवेतील चार वरिष्ठ अधिकाऱ्यांच्या बदल्यांचे आदेश जारी केले आहेत. या नव्या नियुक्त्यांमध्ये छत्रपती संभाजीनगरचे विभागीय आयुक्त आणि जलजीवन मिशनच्या संचालकपदाचाही समावेश आहे. नवी मुंबई येथील जलजीवन मिशनचे मिशन संचालक जी. श्रीकांत (IAS:2009) यांची छत्रपती संभाजीनगर विभागाच्या विभागीय आयुक्तपदी नियुक्ती करण्यात आली आहे. त्यांच्या जागी गंगाथरण डी. (IAS:2013) हे आता जलजीवन मिशनचे नवीन मिशन संचालक म्हणून जबाबदारी सांभाळतील. दुसरीकडे, छत्रपती संभाजीनगरचे विभागीय आयुक्त जितेंद्र पापलकर (IAS:2010) यांची मुंबई येथे जीएसटी विभागाच्या सहआयुक्तपदी बदली करण्यात आली आहे. तसेच, छत्रपती संभाजीनगर येथील सिडकोचे (नवे शहर) मुख्य प्रशासक जगदीश मिनियार (IAS:2015) यांची पुण्याच्या महिला व बालविकास आयुक्तपदी नियुक्ती करण्यात आली आहे. हेही वाचा – सरकारी कर्मचाऱ्यांच्या बदल्यांबाबत महाराष्ट्र सरकारचा मोठी निर्णय; शासन निर्णय प्रसिद्ध
