Ajit Pawar : राज्याचे उपमुख्यमंत्री अजित पवार यांच्या निधनानंतर राज्यासह देशभरातून दुःख व्यक्त केले जात आहे. काल सकाळी झालेल्या विमान अपघातात अजित पवार यांचे निधन झाले. अजित पवार यांच्या निधनानंतर अर्थमंत्री पद कुणाकडे जाणार आणि अर्थसंकल्प कोण मांडणार असा प्रश्न पडला आहे. याकडे सगळ्यांचे लक्ष लागलेले आहे. मागील सहा वर्षांपासून अजित पवार हे राज्याचा अर्थसंकल्प सादर करतात. पण आता अजित पवार यांचे निधन झाल्याने राज्याचे अर्थ खात्याचा कार्यभार मुख्यमंत्री देवेंद्र देवेंद्र फडणवीस यांच्याकडे जाऊ शकतो. देवेंद्र फडणवीस राज्याचा अर्थसंकल्प सादर करण्याची शक्यता आहे. मात्र, याबाबत अधिकृत कोणतीही माहिती समोर आलेली नाही. अजित पवार यांनी सर्वाधिक काळ अर्थसंकल्प मांडला. राज्याचे अर्थसंकल्पीय अधिवेशन २३ फेब्रुवारीपासून सुरु होणार आहे. अधिवेशनात अर्थमंत्री राज्याचा वार्षिक अर्थसंकल्प सादर करतात. त्यामुळे मुख्यमंत्री देवेंद्र फडणवीस हे अर्थसंकल्प सादर करणार असल्याची शक्यता असली तरी अर्थसंकल्प कोण सादर करणार याकडे अवघ्या महाराष्ट्राचे लक्ष असणार आहे. अजित पवारांचा विक्रम अजित पवारांनी आतापर्यंतचा सर्वाधिक वेळा अर्थसंकल्प सादर केला आहे. एकूण १० वेळा अर्थसंकल्प सादर करण्याचा विक्रम अजित पवार यांच्या नावावर आहे. हेही वाचा : Ajit Pawar Funeral : काटेवाडीत आणले अजित पवार यांचे पार्थिव ; उसळला जनसागर ; थोड्याच वेळात होणार अंत्यसंस्कार
