मुंबई: राज्यातील १६ जिल्ह्यांमधील २४ नगरपरिषदा आणि नगरपंचायतींमधील सार्वत्रिक निवडणुकीचे मतदान न्यायालयीन अपील आणि निकालामुळे लांबणीवर पडले आहे. या ठिकाणी आता २० डिसेंबर २०२५ रोजी मतदान होणार असल्याने, यापूर्वी २ डिसेंबर साठी जाहीर केलेली सार्वजनिक सुट्टी केवळ संबंधित मतदारसंघांपुरती रद्द करण्यात आल्याची माहिती सामान्य प्रशासन विभागाने दिली आहे. निवडणूक निर्णय अधिकाऱ्यांच्या निर्णयाविरुद्ध जिल्हा न्यायालयात दाखल झालेल्या अपीलांवर २३ नोव्हेंबर रोजी किंवा त्यानंतर निर्णय आलेल्या २४ अध्यक्षपदांच्या आणि विविध ठिकाणच्या १५४ सदस्यपदांच्या जागांसाठी ही निवडणूक प्रक्रिया सुधारित कार्यक्रमानुसार राबविण्यात येणार आहे. सुधारित निवडणूक कार्यक्रम: नामनिर्देशनपत्र मागे घेण्याची अंतिम मुदत १० डिसेंबर, दुपारी ३ वाजेपर्यंत आहे. उमेदवारांची अंतिम यादी व चिन्ह वाटप ११ डिसेंबर रोजी होईल. मतदान २० डिसेंबर रोजी सकाळी ७:३० ते सायंकाळी ५:३० या वेळेत होईल. मतमोजणी २१ डिसेंबररोजी सकाळी १० वाजता सुरू होईल. या २४ ठिकाणची सार्वजनिक सुट्टी रद्द – मतदान लांबणीवर पडल्यामुळे ज्या २४ नगरपरिषदा/नगरपंचायती क्षेत्रातील सार्वजनिक सुट्टी रद्द करण्यात आली आहे, त्यांची जिल्हानिहाय यादी जाहीर झाली आहे. या यादीत ठाणे जिल्ह्यातील अंबरनाथ, अहिल्यानगरमधील (कोपरगाव, देवळाली प्रवरा, पाथर्डी, नेवासा), पुणे (बारामती, फुरसुंगी-उरुळी देवाची), सोलापूर (अनगर, मंगळवेढा), सातारा (महाबळेश्वर, फलटण), छत्रपती संभाजीनगर (फुलंब्री), नांदेड (मुखेड, धर्माबाद), लातूर (निलंगा, रेणापूर), हिंगोली (वसमत), अमरावती (अंजनगावसूर्जी), अकोला (बाळापूर), यवतमाळ (यवतमाळ), वाशिम (वाशिम), बुलढाणा (देऊळगावराजा), वर्धा (देवळी) आणि चंद्रपूर जिल्ह्यातील घुग्गुस यांचा समावेश आहे. दरम्यान, ज्या ठिकाणी अध्यक्षपदाच्या अपिलाचा निकाल उशिरा आला आहे, तेथील संपूर्ण क्षेत्रासाठी निवडणूक प्रक्रिया सुधारित कार्यक्रमानुसार होईल. सदस्यपदासाठी अपील असलेल्या ठिकाणी केवळ त्या जागेपुरता सुधारित कार्यक्रम राबविला जाईल. उर्वरित अन्य सर्व ठिकाणी नियोजित कार्यक्रमानुसार २ डिसेंबर रोजीच मतदान होणार आहे. सुधारित कार्यक्रमानुसार निवडणूक होत असलेल्या 76 नगरपरिषदा व नगरपंचायतींमधील 154 सदस्यपदांच्या जागांचा तपशील अमरावती: अचलपूर-2, दर्यापूर-1, धारणी-2 व वरूड-1. अहिल्यानगर: जामखेड-2, राहुरी-1, शिर्डी-1, शेवगाव-3, श्रीगोंदा-1, श्रीरामपूर-1 व संगमनेर-3. कोल्हापूर: गडहिंग्लज-1. गडचिरोली: आरमोरी-1 व गडचिरोली-3. गोंदिया: गोंदिया-3 व तिरोडा-1. चंद्रपूर: गडचांदूर-1, बल्लारपूर-1, मूल-1 व वरोरा-1. छत्रपती संभाजीनगर: गंगापूर-2, पैठण-4 व वैजापूर-2. जळगाव: अंमळनेर-1, पाचोरा-2, भुसावळ-3, यावल-1, वरणगाव-2 व सावदा-3. जालना: भोकरदन-2. ठाणे: बदलापूर-6. धाराशिव: उमरगा-3 व धाराशिव-3. नांदेड: कुंडलवाडी-1, भोकर-1 व लोहा-1. नागपूर: कामठी-3, कोंढाळी-2, नरखेड-3 व रामटेक-1. नाशिक: ओझर-2, चांदवड-1 व सिन्नर-4. परभणी: जिंतूर-1 व पुर्णा-2. पालघर: पालघर-1 व वाडा-1. पुणे: तळेगाव-6, दौंड-1, लोणावळा-2 व सासवड-1. बीड: अंबेजोगाई-4, किल्ले धारूर-1 व परळी-5. बुलढाणा: खामगाव-4, जळगाव जामोद-3 व शेगाव-2. भंडारा: भंडारा-2. यवतमाळ: दिग्रस-3, पांढरकवडा-2 व वणी-1. रत्नागिरी: रत्नागिरी-2. लातूर: उद्गीर-3. वर्धा: पुलगाव-2, वर्धा-2 व हिंगणघाट-3. वाशीम: रिसोड-2. सांगली: शिराळा-1. सातारा: कराड-1 व मलकापूर-2. सोलापूर: पंढरपूर-2, बार्शी-1, मैंदर्गी-1, मोहोळ-2 व सांगोला-2 आणि हिंगोली: हिंगोली-2.
