Umesh Patil : ७ फेब्रुवारी रोजी राज्यातील १२ जिल्हा परिषदा आणि त्याअंतर्गत येणाऱ्या १२५ पंचायत समितीसाठी मतदान पार पडले. या निवडणुकीत देखील मतदान केंद्रांवर ईव्हीएम बंद पडल्याच्या काही घटना वगळता शांततेत मतदान पार पडले. पण सोलापूरच्या मोहोळमध्ये एक धक्कादायक प्रकार समोर आल्याने मोठी खळबळ उडाली आहे. येथील ईव्हीएम मशीन चक्क एका ढाब्यावरून (हॅाटेल) आढळून आल्याचा आरोप राष्ट्रवादी काँग्रेस पक्षाचे उमेदवार उमेेश पाटील यांनी केला आहे. या धक्कादायक प्रकारानंतर निवडणूक आयोगावर प्रश्नचिन्ह उपस्थित केले जात आहे. काही लोक या ईव्हीएम मशीन घेऊन जात असल्याचा आरोप उमेश पाटील यांनी केला आहे. मोहोळ शहरानजीक असलेल्या एका हॉटेलमध्ये या ईव्हीएममशीन घेऊन जाताना पकडल्याचा दावा केला जात आहे. २ सीलबंद ईव्हीएम मशीन आढळून आल्याची माहिती आहे. या धक्कादायक प्रकारामुळे मोठा गोंधळ उडाला होता. उमेश पाटील आक्रमक झाले. मोहोळ मतदारसंघात जिल्हा परिषदच्या निवडणुकीच्या काळातच मध्यरात्रीच्या सुमारास ही धक्कादायक घटना उघडकीस आल्याची माहिती आहे. नेमकं काय घडलं? ७ फेब्रुवारीला माहोळ येथे देखील मतदान पार पडले. निवडणुकीच्या धामधूमीत मोहोळ शहराजवळील एका हॉटेल आणि बारच्या परिसरात ईव्हीएम मशिन आढळून आले. यामुळे एकच खळबळ उडाली. राष्ट्रवादी काँग्रेसचे उमेदवार उमेश पाटील यांनी हा प्रकार उघडकीस आणला. या धक्कादायक प्रकारामुळे पुन्हा एकदा निवडणूक आयोगाच्या कार्यक्षमतेवर संशय व्यक्त केला जात आहे. या घटनेची माहिती मिळताच निवडणूक निर्णय अधिकारी डॉ. सीमा होळकर आणि पोलिस निरीक्षक हेमंत शेंडगे हे देखील घटनास्थळी धाव घेतली. या मशीन्स अधिकाऱ्यांनी ताब्यात घेतल्या असून, रीतसर पंचनामा करुन स्ट्रॉंगरूममध्ये ठेवण्यात आल्या. उमेश पाटील यांनी या प्रकरणाची सखोल चौकशी करण्याची मागणी केली आहे. दरम्यान, मोहोळचे तहसीलदार आणि सहायक निवडणूक निर्णय अधिकारी सचिन ‘लोकांनी अडवलेल्या मशीन ह्या राखीव मशीन आहेत. त्यांचा वापर मतदानासाठी झालेला नाही. अद्याप ही या मशीन सिलबंद स्वरूपातच आहेत.’ अशी माहिती दिली आहे. किती टक्के झाले मतदान? सोलापूर जिल्ह्यात जिल्हा परिषद आणि पंचायत समितीसाठी सरासरी ६५. ९० टक्के मतदान झाले. सांगोला तालुक्यात सर्वाधिक ७०.५५ टक्के मतदान झाले. तर दक्षिण सोलापूरमध्ये सर्वात कमी ५८. ३९ टक्के मतदान झाले आहे. आता या निवडणुकीचे एक्सिट पोल समोर येत आहेत. या निवडणुकीचा निकाल ९ फेब्रुवारीला लागणार असून, या निकालाकडे लक्ष असणार आहे. हेही वाचा : Baramati election : बारामती विधानसभेची पोटनिवडणूक कधी? निवडणूक आयोगाकडून मोठी अपडेट समोर
