Trump on Russia-Ukraine War। मागील ३ वर्षांपासून रशिया आणि युक्रेनमधील युद्ध सुरू आहे. अमेरिकेचे अध्यक्ष डोनाल्ड ट्रम्प यांनी अलीकडेच या मुद्द्यावर एक मोठे विधान केले आहे. ट्रम्प यांनी आतापर्यंत आठ युद्धे आपण थांबवली असल्याचा दावा केला आहे. तसेच रशिया-युक्रेन संघर्ष थांबवणे ही सोपी गोष्ट असेल असं वाटलं होतं पण उलट झालंय. हे युद्ध थांबवणे सोपे नसल्याचे सध्याच्या परिस्थितीवरून दिसत असल्याचे त्यांनी सांगितले. रशिया त्यांच्या प्रस्तावावर समाधानी आहे, परंतु युक्रेनचे अध्यक्ष वोलोदिमिर झेलेन्स्की यांनी त्यांचा प्रस्ताव वाचला नाही आणि ते स्वीकारतील की नाही हे त्यांना माहित नाही” असे मोठे विधान त्यांनी केले आहे. डोनाल्ड ट्रम्प यांच्या मते, त्यांच्या प्रस्तावाला युक्रेनियन अधिकाऱ्यांचा पाठिंबा आहे, परंतु झेलेन्स्की यांनी अद्याप ते गांभीर्याने घेतलेले नाही. त्यांनी सांगितले की ते युद्ध संपवण्यासाठी पावले उचलण्यासाठी रशियाचे अध्यक्ष व्लादिमीर पुतिन आणि युक्रेनियन नेत्यांशी बोलत आहेत. त्यांनी असेही व्यक्त केले की युक्रेनियन अधिकारी अद्याप तयार नाहीत, तर रशिया त्याकडे सकारात्मक दृष्टिकोनातून पाहत आहे. टॅरिफचा अमेरिकेला फायदा Trump on Russia-Ukraine War। ट्रम्प यांनी त्यांच्या प्रशासनाच्या टॅरिफ धोरणावरही भाष्य केले. त्यांनी,”सध्याची टॅरिफ व्यवस्था अमेरिकेला असाधारण लवचिकता प्रदान करते आणि राष्ट्रीय सुरक्षेसाठी महत्त्वाची आहे.” असे त्यांनी म्हटले. तसेच “आतापर्यंत आठ युद्धे संपवण्यात व्यापार आणि शुल्क धोरणांनी मोठी भूमिका बजावली आहे.” असेही म्हटले आहे. ट्रम्प यांनी असेही म्हटले की, जर इतर शुल्क उपाययोजना स्वीकारल्या गेल्या तर राष्ट्रीय सुरक्षेला तेवढे फायदे मिळणार नाहीत.” हे विधान सर्वोच्च न्यायालयाच्या एका महत्त्वपूर्ण निर्णयापूर्वी आले आहे ज्यामध्ये राष्ट्रपतींना व्यापक शुल्क लादण्याचा अधिकार आहे का आणि ट्रम्प यांनी त्यांचा योग्य वापर केला आहे का ?असा प्रश्न उपस्थित करण्यात आला होता. त्यांच्या मते, शुल्क धोरणे केवळ आर्थिक फायदे देत नाहीत तर आंतरराष्ट्रीय बाबींमध्ये अमेरिकेची सुरक्षा आणि धोरणात्मक स्थिती देखील मजबूत करतात. ट्रम्प यांचे वक्तव्य त्यांचे परराष्ट्र धोरण आणि आर्थिक दृष्टिकोन दोन्ही प्रतिबिंबित करते. ट्रम्पची शांतता योजना काय आहे? Trump on Russia-Ukraine War। डोनाल्ड ट्रम्प यांनी रशिया-युक्रेन युद्ध संपवण्यासाठी एक शांतता योजना प्रस्तावित केली, ज्यामुळे रशियाला युक्रेनच्या काही भागांवर नियंत्रण ठेवता येईल आणि युक्रेनला त्याचे सार्वभौमत्व आणि सीमा राखण्याचा अधिकार मिळेल. ट्रम्प यांचा असा विश्वास होता की करारामुळे दोन्ही बाजूंवर कठोर लष्करी दबाव टाळावा.
