पक्षानं परवानगी दिली तर यांचा नामोनिशान संपवेन महापालिका निवडणुकीमध्ये भाजप आणि शिवसेना या दोन्ही पक्षांनी चांगले यश मिळवले त्यानंतर आता दोन्ही पक्षांमध्ये काही ठिकाणी ठिणग्या उडताना दिसतायेत. गणेश नाईक यांनी पु्न्हा एकदा एकनाथ शिंदे यांच्यावर निशाणा साधलाय.’पक्षानं परवानगी दिली तर यांचा नामोनिशान संपवेन.’, असं खळबळजनक विधान करत गणेश नाईक यांनी एकनाथ शिंदेंना डिवचलं.तसेच ठाणे, कल्याणमध्ये कार्यकर्त्यांची शिवसेनेबरोबर युती झाल्यामुळे परवड झाली, अशी खंतही गणेश नाईक यांनी व्यक्त केली. युती झाल्यामुळ गणेश नाईक यांनी नाराजी व्यक्त केलीय. दरम्यान, गणेश नाईकांच्या या विधानामुळं राजकीय वर्तुळात चर्चांना उधाण आलंय. मार्चमध्ये म्हाडाची मुंबईतील 3000 घरांसाठी लॉटरी Top 10 news : मुंबई महानगरपालिकेच्या निवडणुकीची आचारसंहिता संपल्यानंतर म्हाडाच्या मुंबई मंडळाने सुमारे तीन हजार घरांची लॉटरी काढण्याची तयारी सुरू केली आहे. समोर आलेल्या माहितीनुसार, ही लॉटरी मार्चमध्ये जाहीर होण्याची शक्यता आहे. प्रत्येक इंच जागेला सोन्याचा भाव असणाऱ्या मुंबईत परवडणाऱ्या दरात स्वत:चं हक्काचं घर घेण्यासाठी सामान्य नागरिक म्हाडाच्या लॉटरीच्या प्रतीक्षेत असतात. गेल्या काही वर्षांमध्ये म्हाडाने मुंबईतील मोक्याच्या जागांवर सर्वसामान्यांना अत्यंत माफक दरात घरे उपलब्ध करुन दिली आहेत. या घरांची किंमत बाजारभावापेक्षा कैकपटीने कमी असते. त्यामुळे सामान्य मुंबईकर कायमच आपल्याला म्हाडाचे घर लागू दे, अशी प्रार्थना करत असता. येत्या काही दिवसांमध्ये मुंबईकरांची ही इच्छा पूर्ण होऊ शकते. बार्शीनंतर आणखी एका ठिकाणी दोन्ही शिवसेना एकत्र महापालिकेनंतर राज्यात जिल्हा परिषद आणि पंचायत समिती निवडणुकांचं बिगूल वाजलं. या निवडणुकांच्या पार्श्वभूमीवर राज्याच्या राजकारणात घडामोडींना वेग आला असून यावेळी दोन्ही शिवसेना एकत्र आल्या आहेत. सोलापूर जिल्हातल्या बार्शीनंतर आता माढ्यात देखील दोन्ही शिवसेना एकत्र आल्याने भाजपला मोठा धक्का बसलाय. इतकेच नाही येथे भाजपसाठी मोठं आव्हान उभं राहिलंय. माढ्यात शिवसेना ठाकरे गट आणि शिवसेना शिंदे गट आणि दोन्ही राष्ट्रवादींची युती झालीय. भाजपच्या पॅनलविरोधात हे चारही पक्ष एकत्र आले आहेत. माढ्याचे खासदार धैर्यशिल मोहिते पाटील आणि आमदार अभिजीत पाटील यांच्या नेतृत्वाखाली हे पॅनल तयार करण्यात आलंय. याठिकाणी भाजपला सत्तेपासून दूर ठेवण्यासाठी दोन राष्ट्रवादी कॉग्रेस पक्ष एक झालेत. दुसरीकडे शिवसेना शिंदे गट आणि शिवसेना ठाकरे गट देखील एकत्र आलेत. कोंबड्याच्या शेडमधून कोट्यवधींचे ड्रग्ज कराडच्या पाचुपतेवाडी याठिकाणी पुण्याच्या अंमली पदार्थ विरोधी पथकानं (डीआरआय विभागाने) मोठी कारवाई केल्याचं समोर येतंय. डीआरआय विभागानं ड्रग्स बनवलं जात असलेलं कोंबड्यांचे शेड सील केलय. तसंच याप्रकरणी रेकॉर्डवरील गुन्हेगार असलेल्या बाबा मोरे याला ताब्यात घेतला आहे. या ठिकाणाहून डीआरआय पथकाने अंदाजे 55 कोटीचा अमली पदार्थ तयार करण्याचा कच्चा माल व साहित्य ताब्यात घेतल्याचं सांगण्यात येतंय.दरम्यान, ही कारवाई एनडीपीएस कायद्यानुसार करण्यात आल्यानं ड्रग्जवर कारवाई झाल्याची चर्चा आहे. सातारा जिल्ह्यात महिन्यात दुसरी कारवाई झाली आहे. संपूर्ण देशाचा रंग हिरवा व्हावा -वारीस पठाण “मुंब्रा को पुरा हरा कर देंगे ” असं विधान एमआयएमच्या नवनिर्वाचित नगरसेविका सहर शेख यांनी केल्यानंतर राजकीय वाद निर्माण झाला. त्यांच्या वक्तव्याला एमआयएमचे नेते इम्तियाज जलील यांनी पाठिंबा दिला. त्यानंतर आता त्यांच्या पक्षाच्या आणखी एका नेत्यानं केलेलं वक्तव्य चर्चेत आलंय. पक्षाचे राष्ट्रीय प्रवक्ते वारीस पठाण यांनी, “आमच्या पक्षाचे वक्तव्य आहे आणि मी त्याचे पूर्णपणे समर्थन करतो. महाराष्ट्रही पूर्ण हिरवा करू, मुंब्राही हिरवा करू… फक्त महाराष्ट्रच का, संपूर्ण देशाचा रंग हिरवा व्हावा अशी आमची इच्छा आहे. आमच्या पक्षाच्या झेंड्याचा रंगच हिरवा आहे. कोणाला वाटणार नाही की त्याच्या पक्षाचा झेंडा संपूर्ण देशात फडकू नये? आमची इच्छा आहे की आमच्या पक्षाचा हिरवा झेंडा देशातील कानाकोपऱ्यात फडकावा. आमचा पक्ष सगळीकडे पसरावा हेच आमचं स्वप्न आहे…. असं त्यांनी म्हटलंय. प्रजासत्ताक दिनी विठ्ठल मंदिरात आकर्षक तिरंगी फुलांची आरास भारतीय प्रजासत्ताक दिनी आज विठ्ठल मंदिरात आकर्षक अशी तिरंगी फुलांची सजावट करण्यात आलीय. विठ्ठल गाभाऱ्याच्या बाहेर असलेला चौखांबी, सोळखांबी ,रुक्मिणी गाभारा ,नामदेव पायरी ,व्हीआयपी गेट अशा ठिकाणी ही आकर्षक तिरंगी फुलांची सजावट करण्यात आलीय.तीन रंगी फुलांचा अत्यंत आकर्षक पद्धतीनं आणि कल्पकतेनं यासाठी वापर करण्यात आलाय. श्री विठुराया आणि रुक्मिणीच्या गळ्यातही चक्क तिरंगी फुलांच्या माळा परिधान करण्यात आलीय. देशभरात भारतीय प्रजासत्ताक दिनी विविध कार्यक्रमांचे आयोजन केले असताना देशातील अनेक मोठी मंदिरी आणि धार्मिकस्थळं देखील आकर्षकरित्या सजली आहे. त्याच पार्श्वभूमीवर पंढपूरचे मंदिर देखील सजलंय. तसंच लागून आलेल्या सुट्टयांमुळे पंढरपुरात भाविकांची मोठी गर्दी बघायला मिळतीय त्या अनुषंगाने मंदिर प्रशासनाने तशी तयारी देखील केलीय. “महाराष्ट्राचा अपमान करणाऱ्यांचा भाजपा सन्मान करते” प्रजासत्ताक दिनाच्या पूर्वसंध्येला पद्मश्री, पद्मभूषण आणि पद्मविभूषण पुरस्कारांची घोषणा करण्यात आली आहे. यामध्ये पाच राजकीय नेत्यांचा देखील समावेश आहे. महाराष्ट्राचे माजी राज्यपाल भगतसिंह कोश्यारी यांना केंद्र सरकारकडून पद्मभूषण पुरस्कार जाहीर झाला आहे. यावरून शिवसेना ठाकरे गटाचे खासदार संजय राऊत यांनी भाजपवर टीका केली आहे. ‘महाराष्ट्रात लोकशाही आणि भारतीय संविधानाची हत्या करून शिंदे-भाजपचे सरकार बसवल्याबद्दल या महाशयांना (भगतसिंह कोश्यारी) मोदी सरकारने पद्म भूषण किताबाने सन्मानित केले. याच महाशयांनी छत्रपती शिवाजी महाराज व महात्मा फुले दाम्पत्याचा अपमान केला होता! महाराष्ट्राचा अपमान करणाऱ्यांचा भाजपा सन्मान करते! छान!’ असे म्हणत संजय राऊत यांनी भाजपवर टीका केलीय. दिल्लीत राष्ट्रपतीच्या हस्ते ध्वजारोहण आज देश आपला ७७ वा प्रजासत्ताक दिन साजरा करत आहे. यानिमित्त दिल्लीत राष्ट्रपती द्रौपदी मुर्मू यांच्या हस्ते ध्वजारोहण आलं. या समारंभात युरोपियन कौन्सिलचे अध्यक्ष अँटोनियो कोस्टा आणि युरोपियन कमिशनच्या अध्यक्षा उर्सुला वॉन डेर लेयन या समारंभाला प्रमुख पाहुणे म्हणून उपस्थित होते. दरम्यान , यावेळी भारताने आपला विकास प्रवास, सांस्कृतिक विविधता आणि लष्करी सामर्थ्य जगासमोर सादर केले. ऑपरेशन सिंदूरमध्ये वापरल्या जाणाऱ्या नवनिर्मित लष्करी तुकड्या आणि प्रमुख शस्त्र प्रणालींचे मॉडेल देखील प्रदर्शित करण्यात आले. कर्तव्य पथावर होणार हा कार्यक्रम “वंदे मातरम” च्या १५० व्या वर्धापन दिनाच्या थीमवर आधारित होता. राष्ट्रपती द्रौपदी मुर्मू यांनी या समारंभाचे नेतृत्व केलं. या वर्षीचे एक विशेष आकर्षण म्हणजे भारतीय सैन्याचे पहिलेच “फेज्ड बॅटल अॅरे”म्हणजेच टप्प्याटप्प्याने लढाईची मांडणीची प्रात्यक्षिक होते. यामध्ये ड्रोन, टँक आणि तोफखाना अशा युद्ध सराव स्वरूपात दाखवला गेला जो वास्तविक युद्ध परिस्थिती प्रतिबिंबित करतो. फर्निचरच्या गोदामाला आग, 5 कामगारांचा होरपळून मृत्यू हैदराबादमधील नामपल्ली त्याठिकाणच्या एका फर्निचरच्या गोदामाला लागलेल्या भीषण आगीत ५ कामगारांचा होरपळून मृत्यू झालाय. गोदामामध्ये प्लायवूड, रेगझिम, फोम, केमिकल सोल्युशनसह इतर गोष्टी असल्यानं आगीचा भडका उडाला. ही आग एवढी भीषण होती की आत अडकलेल्या कामगारांना बाहेरही पडता आलं नाही. फर्निचर दुकानाला आग लागल्याची माहिती अग्निशमन दलाला मिळताच अग्निशमन दलाने घटनास्थळी धाव घेतली. लागलीच बचावकार्य सुरू केलं. रात्रभर चाललेल्या मोहिमेदरम्यान एका व्यक्तीला सुखरूप वाचवण्यात आलं. मात्र पाच कामगारांचा यात मृत्यू झालाय. पाचही जणांचे मृतदेह बाहेर काढण्यात आलेत. गोदामाच्या मालकाविरुद्ध गुन्हा दाखल करण्यात आलाय. ट्रम्पची इराणला धमकी, खोमेनी बंकरमध्ये? Top 10 news : इराण आणि अमेरिका यांच्यात पुन्हा एकदा संघर्ष होण्याची शक्यता दिवसेंदिवस वाढत चाललीय…अशातच अमेरिकेनं इराणला दिलेल्या धमकीमुळे इराणमध्ये भीतीचं वातावरण पसरलयं… अमेरिकेचे नवे F35 लढाऊ विमानं इस्रायलमध्ये दाखल झालं असून USS अब्राहम लिंकन 90 ही विमानवाहू युद्धनौकाही इराणच्या लष्करी तलांना लक्ष्य करण्यासाठी सज्ज झालीय… त्यामुळे इराण अमेरिकेच्या हल्ल्यापासून स्वत:ची आणि सर्वोच्च नेत्याची सुरक्षा करण्याचे प्रयत्न करतंय.इराणचे सर्वोच्च नेते अयातुल्ला खोमेनी यांना तेहरानमधील एका बंकरमध्ये लपवण्यात आलयं. हे बंकर अत्यंत सुरक्षित असून या बंकरमध्ये एकमेकांशी जोडलेले बोगदे आहेत. तर दुसरीकडे अयातुल्ला खोमेंनीचा मुलगा मसूद खोमेंनीला इराणची जबाबदारी सोपवण्यात आलीय. सरकार आणि इराणच्या सर्वोच्च नेत्यामध्ये मसूद संपर्क घडवून आणतोय.
