Palash Muchhal Allegations by Vidyan Mane : भारतीय महिला क्रिकेट संघाची स्टार फलंदाज स्मृती मानधना आणि संगीतकार पलाश मुच्छल यांचे नोव्हेंबर २०२५ मध्ये होणारे लग्न का मोडले, याबाबत एक खळबळजनक खुलासा समोर आला आहे. स्मृतीचा बालपणीचा मित्र विद्यान माने याने पलाश मुच्छलवर अत्यंत गंभीर आरोप केले असून, लग्नसोहळ्याच्या ठिकाणी पलाशला रंगेहाथ पकडल्याचा दावा केला आहे. या प्रकरणामुळे क्रिकेट आणि मनोरंजन विश्वात मोठी खळबळ उडाली आहे. नेमकं काय घडलं? ‘त्या’ रात्रीचा धक्कादायक प्रकार – विद्यान मानेच्या दाव्यानुसार, लग्नाचे विधी सुरू असताना पलाश मुच्छल एका परक्या महिलेसोबत आक्षेपार्ह अवस्थेत रंगेहाथ पकडला गेला. “मी स्वतः लग्नाच्या ठिकाणी उपस्थित होतो. पलाशला दुसऱ्या महिलेसोबत रंगेहाथ पकडल्यानंतर तिथे प्रचंड तणाव निर्माण झाला होता. हे पाहून तिथे उपस्थित असलेल्या भारतीय महिला क्रिकेटपटूंनी पलाशला चांगलाच चोप दिला,” असा धक्कादायक आरोप मानेने केला आहे. या घटनेनंतरच स्मृतीने हे नाते संपवण्याचा टोकाचा निर्णय घेतल्याचे समजते. चित्रपटाच्या नावाखाली ४० लाखांची फसवणूक? भारतीय क्रिकेटर स्मृती मंधना आणि संगीतकार पलाश मुच्छाल केवळ चारित्र्यावरच नाही, तर विज्ञान मानेने पलाशवर आर्थिक फसवणुकीचेही आरोप केले आहेत. स्मृतीच्या कुटुंबाच्या माध्यमातून ओळख झाल्याचा गैरफायदा घेत पलाशने एका फिल्म प्रोजेक्टसाठी मानेकडून ४० लाख रुपये घेतले होते. “पलाशने मला सहा महिन्यात चित्रपट पूर्ण होईल असे सांगितले होते, पण लग्न मोडल्यापासून त्याने माझा फोन उचलणे बंद केले आहे. पलाशचे पूर्ण कुटुंबच लुटारू आहे,” अशा कडक शब्दांत मानेने आपली भडास काढली. हेही वाचा – Team India Record : टीम इंडियाची ऐतिहासिक ‘सेंच्युरी’! आशियात जे कोणालाच जमलं नाही, ते मायदेशात करून दाखवलं आजारपणाचं दिलेलं कारण ठरलं खोटं? २३ नोव्हेंबर २०२५ रोजी सांगलीमध्ये हे लग्न होणार होते. मात्र, त्यावेळी स्मृतीचे वडील श्रीनिवास मानधना यांना हृदयविकाराचा झटका आल्यामुळे लग्न पुढे ढकलल्याचे सांगण्यात आले होते. त्यानंतर काही दिवसांतच पलाशही आजारी असल्याचे समोर आले होते. डिसेंबरमध्ये दोघांनीही सोशल मीडियावर पोस्ट करत लग्नाचे अधिकृतरीत्या रद्द झाल्याचे जाहीर केले होते. मात्र, आता विज्ञान मानेच्या खुलाशामुळे लग्नाचे खरे कारण ‘आजारपण’ नसून पलाशचे ‘गैरवर्तन’ असल्याचे बोलले जात आहे.
