Chhagan Bhujbal : राजकीय वर्तुळात खळबळ! कॅप्टन खरात प्रकरणावर भाष्य करताना छगन भुजबळांचा मोठा खुलासा ” आपल्यालाही काही लोक ..”

Chhagan Bhujbal : नाशिकमधील भोंदू बाबा अशोक खरात उर्फ कॅप्टन याचे काळे कारनामे उघड झाल्यानंतर महाराष्ट्रभर या प्रकरणाची चर्चा आहे. या प्रकरणाचा तपास एसआयटीमार्फत सुरू असून खरातची कसून चौकशी केली जात आहे. या प्रकरणात राजकीय कनेक्शन असल्याचे बोलले जात आहे. अशातच या प्रकरणावर भाष्य करताना राष्ट्रवादीचे नेते मंत्री छगन भुजबळ यांनी मोठा खुलासा केला आहे.

“आपल्यालाही काही लोक त्यांच्याकडे हात दाखवून अंकशास्त्र बघावं” असा सल्ला देत असल्याचा मोठा खुलासा छगन भुजबळ यांनी केला आहे. यामुळे राजकीय वर्तुळात खळबळ उडाली आहे. अशोक खरात प्रकरणावर बोलाताना भुजबळ म्हणाले, फारसं मला काही माहिती नाही कॅप्टन खराबद्दल. पण माझे लोक सांगतात आपल्यालाही काही लोक त्यांच्याकडे हात दाखवून अंकशास्त्र बघावं, असे सांगत होते, पण मी काय गेलो नाही. तसेच त्यांनी अंद्धश्रद्धेपासून दूर राहिले पाहिजे असे मतही यावेळी बोलताना व्यक्त केले. Chhagan Bhujbal

छगन भुजबळ यांनी केलेल्या खुलाशानंतर आता विविध प्रश्न निर्माण केले जात आहेत. मग त्यांना खरातकडून हात दाखवून अंकशास्त्र बघावं, असा सल्ला नेमका कोणी दिला होता? असा प्रश्न उपस्थित केला जात आहे. तसेच या प्रकरणात अशोक खरातसोबत अनेक मोठ्या राजकीय नेत्यांसोबत फोटो व्हायरल झाल्याने खरातकडे भविष्य जाणून घेण्यासाठी राजकीय नेते जात होते का? हाही प्रश्न उपस्थित केला जात आहे.

अशा लोकांमुळे अनेकजण बदनाम होतात. यांच्याकडे देखील बरीच मोठं मोठी नेतेमंडळी येत होती, असेही छगन भुजबळ यांनी म्हटले आहे. राजकारणामध्ये, समाजकारणामध्ये असलेल्या लोकांनीकाही सीमा आखून ठेवल्या पाहिजेत. आपण जे काही करतो त्याचा परिणाम सामान्य लोकांवर होतो.

हेही वाचा : Dhurandhar 2: ‘धुरंधर २’वर अभिनेत्री राम्याचा संताप; दिग्दर्शकावर प्रोपेगंडाचा आरोप

या प्रकरणात रुपाली चाकणकरांवर आरोपांची राळ उठवली जात आहे. त्यांचे नाव खरात प्रकरणात जोडले जात आहे. गेल्या काही दिवसांपासून होत असलेल्या आरोपांमुळे रुपाली चाकणकर अडचणीत आल्या आहेत. अशातच त्यांनी राज्य महिला आयोगाच्या अध्यक्षपदाचा राजीनामा उपमुख्यमंत्री सुनेत्रा पवार यांच्याकडे सुपूर्त केला.

कॅप्टन खरात प्रकरणावर भाष्य करताना छगन भुजबळांचा मोठा खुलासा Chhagan Bhujbal

त्यांच्याकडे राष्ट्रवादी काँग्रेसच्या महिला प्रदेशाध्यक्ष पद आहे. या पदावरुन देखील त्यांची गच्छंती केली जाणार का असा प्रश्न छगन भुजबळ यांना विचारला असता त्यांनी त्याबाबत काय करायचे त्यासाठी पक्षश्रेष्ठी आहेत, सुनेत्राताई आहेत सगळी मंडळी बसून चर्चा करुन निर्णय घेतील. Chhagan Bhujbal

या प्रकरणाची पोलीस चौकशी करत असून सत्य जे काही ते बाहेर येईल. काही चुकीच्या गोष्टी केल्या असतील पोलीस कारवाई करतील. असेही भुजबळ म्हणाले आहेत.

हेही वाचा : Accident News: प्रसिद्ध उद्योगपतीचा अपघात; स्पीडबोट उलटल्याने जखमी, मुंबईत उपचार सुरू