Raghav Chadha : आम आदमी पार्टीचे ज्येष्ठ नेते आणि खासदार संजय सिंह यांनी राघव चढ्ढा यांच्याबाबत सुरू असलेल्या तर्कवितर्कांवर एक मोठे निवेदन जारी केले आहे. राघव चढ्ढा भाजपमध्ये सामील होत असल्याच्या अफवा निराधार आहेत आणि अशा कोणत्याही शक्यतेवर त्यांचा विश्वास नाही असे संजय सिंह यांनी म्हटले आहे. संजय सिंह म्हणाले की, राघव चढ्ढा हे पक्षाचा एक महत्त्वाचा भाग आहेत आणि ते पक्षाशी कुटुंबातील सदस्याप्रमाणे जोडलेले आहेत. राघव चढ्ढा राज्यसभेवर निवडून आले, त्यांना पंजाबची जबाबदारी देण्यात आली आणि त्यांच्यावरील खटल्यांमध्ये त्यांना मोठा दिलासा मिळाला. त्यामुळे, ते पक्ष सोडत आहेत असे म्हणणे पूर्णपणे खोटे आहे. तथापि, त्यांनी हे देखील मान्य केले की, राघव चढ्ढा अलीकडे सार्वजनिक ठिकाणी कमी सक्रिय आहेत. ते पक्षाच्या कार्यालयात दिसले नाहीत, कोणत्याही पत्रकार परिषदेला उपस्थित राहिले नाहीत किंवा पक्षाच्या मोठ्या कायदेशीर विजयावर सोशल मीडियावर प्रतिक्रिया दिली नाही. याबाबत संजय सिंह म्हणाले की, या प्रश्नाचे सर्वोत्तम उत्तर स्वतः राघव चड्ढाच देऊ शकतात. Raghav Chadha : राघव चढ्ढा भाजपमध्ये जाणार? संजय सिंह यांनी स्पष्टच सांगितले प्रत्येक राजकीय नेता अशा काळातून जातो जेव्हा ते कमी सक्रिय दिसतात. याचा अर्थ असा नाही की ते पक्ष सोडत आहेत. त्यांनी स्पष्ट केले की, एखाद्याच्या कमी झालेल्या उपस्थितीवरून असे निष्कर्ष काढणे अन्यायकारक आहे. जर राघव चढ्ढा यांनी कधी असे (भाजपमध्ये जाण्याचे) पाऊल उचलले, तर त्याला विरोध करणाऱ्या पहिल्या काही जणांपैकी आपण एक असून असे नमूद करतानाच सध्या अशा शक्यतेवर त्यांचा विश्वास नाही याचाही संजय सिंह यांनी पुनरूच्चार केला.
