Parliament Budget Session: राष्ट्रपतींच्या अभिभाषणावरील आभार प्रस्ताव पंतप्रधान नरेंद्र मोदी यांच्या उत्तराशिवाय आवाजी मतदानाने मंजूर करण्यात आला. विरोधकांच्या गदारोळात, सभापतींनी आभार प्रस्ताव मतदानासाठी ठेवला. पंतप्रधान मोदी या प्रस्तावावरील चर्चेला उत्तर देणार होते.मात्र विरोधकांच्या गदारोळामुळे हा प्रस्ताव त्यांच्या भाषणाशिवाय मंजूर करण्यात आला. लोकसभेत धन्यवाद प्रस्तावावरील चर्चेला उत्तर देण्यासाठी पंतप्रधान मोदी हे नियोजित वेळापत्रकानुसार ४ फेब्रुवारी रोजी येणार होते. त्यासाठी संध्याकाळी ५ वाजता वेळ निश्चित करण्यात आली होती, परंतु गोंधळामुळे ती पुढे ढकलण्यात आली. Parliament Budget Session: त्यानंतर, पंतप्रधान आज चर्चेला उत्तर देऊ शकतात असा अंदाज बांधला जात होता. आता, या सर्व अंदाजांना पूर्णविराम मिळाला आहे. लोकसभेत गोंधळाच्या दरम्यान, पंतप्रधानांच्या भाषणाशिवाय आभार प्रस्ताव मंजूर करण्यात आला. गोंधळाच्या दरम्यान सभापती ओम बिर्ला यांनी आभार प्रस्ताव मतदानासाठी ठेवला आणि सभागृहाने तो आवाजी मतदानाने मंजूर केला. राज्यसभेत सभागृह नेते जे.पी. नड्डा आणि विरोधी पक्षनेते मल्लिकार्जुन खरगे यांच्यात जोरदार वाद झाला. राज्यसभेचे कामकाज सुरू होताच, खरगे यांनी लोकसभेत काल घडलेल्या घटनांचा मुद्दा उपस्थित केला. म्हटले की, विरोधी पक्षनेत्याला तिथे बोलण्याची परवानगी नाही. नड्डा यांनी त्यांना अडवून सांगितले की, ते येथे दुसऱ्या सभागृहाच्या बाबींवर चर्चा करू शकत नाहीत. Parliament Budget Session: लोकसभेत कामकाज सुरू होताच, गोंधळामुळे सभागृह दुपारी १२ वाजेपर्यंत तहकूब करावे लागले. दुपारी १२ वाजता कामकाज पुन्हा सुरू झाल्यावर, विरोधी पक्ष सदस्य पुन्हा वेलमध्ये गेले. गोंधळाच्या दरम्यान, सभापती ओम बिर्ला यांनी आभार प्रस्ताव मांडला आणि तो आवाजी मतदानाने मंजूर झाला.
