Nawab Malik। मुंबई महापालिकेत सुरुवातीच्या कलानी मोठी खळबळ उडवून दिली आहे. मुंबईत भाजप आणि शिवसेना यांची युती आणि ठाकरे बंधूंची आघाडी यांच्यात अटीतटीचा सामना पाहायला मिळत आहे. त्यातच कुर्ल्यातून एक मोठा निकाल समोर आला आहे. राष्ट्रवादीचे (अजित पवार गट) ज्येष्ठ नेते नवाब मलिक यांना त्यांच्याच बालेकिल्ल्यात मोठा धक्का बसलाआहे. नवाब मलिक यांचे बंधू कॅप्टन मलिक यांचा दारूण पराभव झाला आहे. प्रभाग क्रमांक १६५ (कुर्ला पश्चिम) मध्ये अत्यंत चुरशीची लढत पाहायला मिळाली. येथे काँग्रेसचे उमेदवार अश्रफ आजमी यांनी ७,७८२ मते मिळवत दणदणीत विजय संपादन केला आहे. त्यांनी केवळ राष्ट्रवादीच्या उमेदवारालाच नाही, तर भाजपच्या तगड्या उमेदवारालाही धूळ चारली आहे. या मतदारसंघात काँग्रेसने पुन्हा एकदा आपले वर्चस्व सिद्ध केले आहे. मतांची आकडेवारी पुढील प्रमाणे : Nawab Malik। * अश्रफ आजमी (काँग्रेस): ७,७८२ मते (विजयी) * रुपेश नारायण पवार (भाजप): ७,२२७ मते * कॅप्टन मलिक (राष्ट्रवादी): ४,८६३ मते नवाब मलिक यांचे बंधू कॅप्टन मलिक हे या प्रभागातून अनुभवी उमेदवार मानले जात होते. मात्र, मतदारांनी त्यांना नाकारत तिसऱ्या क्रमांकावर ढकलले आहे. भाजपचे रुपेश पवार यांनी आजमी यांना चांगली टक्कर दिली, मात्र ५५५ मतांच्या फरकाने त्यांना पराभवाचा सामना करावा लागला. मलिकांच्या कुटुंबातील सदस्याचा झालेला हा पराभव राष्ट्रवादीसाठी आणि विशेषतः नवाब मलिकांसाठी मोठा राजकीय झटका मानला जात आहे. Nawab Malik।
