Mayor Reservation Lottery | महापालिका निवडणुकांचा निकाल १६ जानेवारीला जाहीर झालेला असला, तरी महापालिकेच्या महापौरपदाच्या आरक्षणाची सोडत अद्याप जाहीर झालेली नाही. त्यामुळे पालिका प्रशासनासही सभागृह सुरू करण्यासाठी काही करता आलेले नाही. त्यामुळे महत्तावाच्या समजल्या जाणाऱ्या महापौरपदासाठी आज मुंबईत लाॅटरी काढली जाणार आहे. त्यात निघणाऱ्या आरक्षणावर महापौरपदाचे दावेदार निश्चित होणार आहेत. महापौरपदाच्या पहिल्या अडीच वर्षाच्या कालावधीसाठी ही सोडत आहे. आरक्षण चक्राकार पद्धतीने Mayor Reservation Lottery नगरविकास राज्यमंत्री माधुरी मिसाळ यांच्या अध्यक्षेतेखाली सकाळी ११ वाजता मंत्रालयातील परिषद सभागृहात महापौरपदाची आरक्षण सोडत निघेल. हे आरक्षण चक्राकार पद्धतीने काढले जाईल. याआधीचे आरक्षण बाजूला ठेवण्यात येईल. या आरक्षणासाठी २०११ च्या जनगणनेचा आधार घेतला आहे. सुरुवातीला अनुसूचित जाती, अनुसूचित जमातीसाठी सोडत निघेल. त्यानंतर नागरिकांचा मागास प्रवर्गासाठी सोडत काढली जाईल. यात महिलांसाठी ५०% आरक्षण असणार आहे. महापालिका आरक्षण सोडत निघताच पालिका प्रशासनाकडूनही तत्काळ महापौरपदासाठीची मुख्य सभा बोलविली जाणार आहे. त्यासाठी आवश्यक असलेली गटनोंदणी सर्व पक्षांकडून विभागीय आयुक्तांकडे करण्यात आली आहे. ही निवड जानेवारी महिना संपण्याच्या आतच घेण्यासाठी भाजपकडून तयारी सुरू करण्यात आली असून, त्याबाबत पक्षातील नगरसेवकांना सांगण्यात येत आहे. Mayor Reservation Lottery गुरुवारी आरक्षणाची सोडत निघताच प्रशासनाकडून तत्काळ विभागीय आयुक्तांना पत्र देऊन महापौर निवडीचा कार्यक्रम कळविला जाणार आहे. त्यासाठी सात ते नऊ दिवसांची आवश्यकता असते. त्यामुळे आता आरक्षण कोणत्या प्रवर्गासाठी निघते, यावरच राजकीय समीकरण अवलंबून असल्याने दिग्गजांची धाकधुक वाढली आहे. Mayor Reservation Lottery | कोणत्या महापालिकांसाठी आरक्षण सोडत? मुंबई, नवी मुंबई, ठाणे, मिरा-भाईंदर, कल्याण-डोंबिवली, उल्हासनगर, वसई -विरार, भिवंडी -निजामपूर, पनवेल, पुणे, पिंपरी-चिंचवड, नाशिक, अहिल्यानगर, मालेगाव, धुळे, जळगाव, नागपूर, अकोला, अमरावती, चंद्रपूर, सांगली, जालना, लातूर, नांदेड कोल्हापूर, इचलकरंजी, सोलापूर, छत्रपती संभांजीनगर, परभणी. Mayor Reservation Lottery | हेही वाचा : Pune Crime: मध्यरात्री पद्मावतीत कोयता गँगचा धुमाकूळ; १५ वाहने फोडली, नागरिकांमध्ये घबराट
