Kolhapur Accident : कोल्हापुरातील अत्यंत गजबजलेल्या शाहू मिल चौकात भीषण रस्ता अपघात झाला असून या दुर्घटनेत दुचाकीवरील दोघांचा दुर्दैवी मृत्यू झाला आहे. भरधाव वेगात आलेल्या क्रेटा कारने दुचाकीला जोरदार धडक दिल्याने हा अपघात झाल्याची प्राथमिक माहिती समोर आली आहे. धडकेनंतर दुचाकीस्वार दूर फेकले गेले क्रेटा कारची धडक बसताच दुचाकीस्वार हवेत उडून रस्त्याच्या कडेला पडजागेत जाऊन कोसळले. या अपघातात दोघेही अत्यंत गंभीर जखमी झाले होते. स्थानिक नागरिकांनी तातडीने रुग्णवाहिकेला पाचारण करून जखमींना सीपीआर रुग्णालयात दाखल केले. उपचारादरम्यान दोघांचा मृत्यू मात्र जखमा गंभीर असल्याने उपचार सुरू असतानाच दोघांचा मृत्यू झाला. या अपघातामुळे परिसरात हळहळ व्यक्त केली जात आहे. क्रेटा कार पलटी, दुचाकीचा चक्काचूर धडकेनंतर क्रेटा कार रस्त्याच्या मधोमध पलटी झाली, तर दुचाकीचा अक्षरशः चक्काचूर झाला होता. अपघात इतका भीषण होता की काही काळ वाहतूक पूर्णपणे ठप्प झाली होती. घटनेची माहिती मिळताच पोलीस तात्काळ घटनास्थळी दाखल झाले. पलटी झालेली क्रेटा कार बाजूला काढून वाहतूक सुरळीत करण्यात आली. अपघातस्थळी बघ्यांची मोठी गर्दी जमली होती. या अपघातामागील नेमकं कारण काय, क्रेटा कारचा वेग किती होता, चालक मद्यधुंद होता का, याबाबत पोलीस अधिक तपास करत आहेत. मृतांची ओळख पटवण्याचे काम सुरू आहे.
