मुंबईकर जेमीमाह रॉड्रिग्सने टीम इंडियाला आयसीसी वनडे वर्ल्ड कप 2025 ट्रॉफी जिंकून देण्यात महत्वाची भूमिका बजावली. जेमीमाने ऑस्ट्रेलिया विरुद्ध उपांत्य फेरीत विक्रमी धावांचा पाठलाग करताना अविस्मरणीय शतक झळकावलं होतं. जेमीमाहला या स्पर्धेच्या सुरुवातीला काही खास कामगिरी करता आली नव्हती मात्र तिने उपांत्य सामन्यात जोरदार कमबॅक करत भारताला विजय मिळवून देण्यात मोलाचा वाटा उचलला. अखेर आज तिला तिच्या या खेळीचे फळ मिळाले आहे. तिची थेट दिल्ली कॅपिट्ल्सच्या कर्णधारपदी नियुक्ती करण्यात येणार आहे. ती मेग लॅनिंगची जागा घेणार आहे. दिल्लीचं गेल्या 2 हंगामात मेग लॅनिंगने नेतृत्व केलं होतं. यगोदरच दिल्ली कॅपिट्ल्स फ्रँचायजीने डब्ल्यूपीएलच्या चौथ्या मोसमाआधी कर्णधार बदलण्याचा निर्णय घेतला होता. वूमन्स प्रीमियर लीग स्पर्धेच्या चौथ्या मोसमासाठी गेल्या महिन्यात मेगा ऑक्शन पार पडलं. या मेगा ऑक्शनमध्ये दिल्ली कॅपिट्ल्सचे मालक पार्थ जिंदाल यांनी जेमीला कर्णधार करण्याचे संकेत दिले होते. यानंतर आता जेमीमाहची कर्णधारपदी वर्णी लागण्याची शक्यता आहे. जेमीची डब्ल्यूपीएल कारकीर्द जेमीने आतापर्यंत डब्लूपीएलच्या इतिहासातील 3 हंगामात एकूण 27 सामने खेळले आहेत. जेमीने या 27 सामन्यांमधील 24 डावांत 500 पेक्षा अधिक धावा केल्या आहेत. जेमीने 28.26 च्या सरासरीने आणि 139.66 च्या स्ट्राईक रेटने 507 धावा केल्यात.
