Israel-Iran War: जागतिक स्तरावर सुरु असणाऱ्या इराण आणि अमेरिका-इस्रायल यांच्यातील युद्धाच्या झळा या सगळ्या जगाला बसत आहेत . त्यातच आता अमेरिकेचे राष्ट्राध्यक्ष डोनाल्ड ट्रम्प यांनी या युद्धाविषयी महत्वाचे विधान केले. इराणसोबत सुरू असलेले युद्ध लवकरच संपू शकते, असे म्हटले. मात्र या त्यांच्या दाव्याला आता परंतु इराणने त्याला कडक प्रत्युत्तर दिले आहे. इराणी रिव्होल्यूशनरी गार्ड्स (IRGC) ने म्हटले आहे की युद्ध कधी संपेल हे अमेरिका नव्हे तर आपण ठरवणार असल्याचे म्हटले आहे. ट्रम्प यांची पत्रकार परिषदेत घोषणा Israel-Iran War: ट्रम्प यांनी त्यांच्या डोरल नॅशनल गोल्फ क्लबमध्ये पहाटे ३ वाजता (भारतीय वेळेनुसार) पत्रकार परिषद घेतली. पत्रकारांशी बोलताना ते म्हणाले, “मला वाटते लवकरच. खूप लवकर.” जर युद्ध पुन्हा सुरू झाले तर इराणला अधिक तीव्र हल्ल्यांना सामोरे जावे लागेल असेही त्यांनी सांगितले. Israel-Iran War: तसेच ट्रम्प यांनी दावा केला की, अमेरिका आणि इस्रायली हल्ल्यांनी त्यांचे ध्येय साध्य केले आहे, परंतु युद्ध कधी संपेल याची स्पष्ट वेळ त्यांनी दिली नाही. तसेच जर अमेरिकेने प्रथम हल्ला केला नसता तर इराणने एका आठवड्यात अमेरिकेवर हल्ला केला असता.” असा दावा देखील त्यांनी केला. त्यांनी सांगितले की इराणकडे मोठ्या प्रमाणात क्षेपणास्त्रे आहेत आणि तो अमेरिका, इस्रायल आणि संपूर्ण मध्य पूर्वेवर मोठा हल्ला करण्याची तयारी करत आहे. युद्धाचा शेवट आम्ही ठरवू: इराण जर इराणने जागतिक तेल पुरवठा खंडित केला तर लढाई वाढू शकते, असा इशाराही ट्रम्प यांनी दिला. तेलाच्या किमती आधीच वाढल्या आहेत आणि २०२२ नंतरच्या सर्वोच्च पातळीवर पोहोचल्या आहेत. इराणने दिवंगत अली खमेनी यांचे पुत्र, अयातुल्ला मोज्तबा खमेनी यांना नवीन कट्टरपंथी सर्वोच्च नेते म्हणून निवडले आहे. दरम्यान , इराणच्या वतीने, आयआरजीसीने एक निवेदन जारी केले ज्यामध्ये म्हटले आहे की, “या युद्धाचा शेवट आम्ही ठरवू. प्रादेशिक गतिशीलता आणि भविष्य आता आमच्या सशस्त्र दलांच्या हातात आहे. अमेरिकन सैन्य युद्ध संपवणार नाही.” हे विधान ट्रम्प यांच्या युद्धबंदीच्या दाव्याच्या विरोधात देण्यात आले आहे. इस्रायलचे इराण आणि लेबनॉनमध्ये मोठे हल्ले सुरू Israel-Iran War: अमेरिका, इस्रायल आणि इराणमधील सुरू असलेले युद्ध आता ११ व्या दिवशी आहे. इस्रायलने सोमवारी मध्य इराणमध्ये नवीन हल्ले सुरू केले, आयआरजीसी कमांड सेंटर, क्षेपणास्त्र सुविधा आणि लष्करी पायाभूत सुविधांना लक्ष्य केले. इस्रायलने बेरूतमधील हिजबुल्लाहच्या लक्ष्यांवरही हल्ले वाढवले. इस्रायलने इस्रायलविरुद्ध बॅलिस्टिक क्षेपणास्त्र आणि ड्रोन हल्ल्यांनी प्रत्युत्तर दिले. दरम्यान, आखाती देशांमध्येही हल्ले होत आहेत. बहरीनमधील अमेरिकन नौदलाच्या सलमान बंदरावर ड्रोन हल्ला झाला, ज्यामध्ये अनेक लोक जखमी झाले. कुवेत आणि युएईमध्येही इराणी ड्रोन आणि क्षेपणास्त्र हल्ल्यांची नोंद झाली. सौदी अरेबियामध्ये एका अमेरिकन सैनिकाचा मृत्यू झाला, ज्यामुळे मृतांची एकूण संख्या आठ झाली. ट्रम्प यांनी यापूर्वी सांगितले होते की अमेरिका इराणमध्ये जमीनी सैन्य पाठवणार नाही आणि बिनशर्त आत्मसमर्पण हा एकमेव पर्याय आहे. तथापि, इराण झुकण्यास तयार नाही. तेलाच्या वाढत्या किमती जागतिक अर्थव्यवस्थेवर परिणाम करत असल्याने संपूर्ण जग या युद्धावर बारकाईने लक्ष ठेवून आहे.
