Ajit Pawar : राज्याचे उपमुख्यमंत्री अजित पवार यांच्यावर बारामतीतील विद्या प्रतिष्ठानच्या प्रांगणात अत्यंसंस्कार करण्यात आले. या मैदानावर मोठा जनसागर जमा झाला आहे. देशासह राज्याचे अनेक नेते अजित पवार यांच्या अत्यंविधीचे दर्शन घेण्यासाठी अत्यंविधीस्थळी दाखल झाले आहेत. पदाधिकारी कार्यकर्त्यांपासून सगळेचजण मैदानावर ‘अजित पवार अमर रहे’च्या घोषणा देत आहेत. अत्यंत भावुक क्षण संबंध महाराष्ट्रासाठी आहे. बारामती शोकसागरात बुडाली आहे. पोरकेपणाची भावना बारामतीकरांसाठी आहे. अजित पवार हे काल सकाळी खाजगी विमानाने मुंबईहून बारामतीकडे रवाना झाले होते. बारामती विमानतळावर लँडिंगदरम्यान त्यांच्या विमानाचा भीषण अपघात झाला. या दुर्घेटनेत अजित पवारांसह एकूण पाच जणांचा मृत्यू झाला. २८ जानेवारी बुधवारी सकाळी सुमारे ८.४५ वाजताच्या सुमारास ही घटना घडली. सुरुवातीला या अपघाताबाबत कोणतीही अधिकृत माहिती उपलब्ध नव्हती. मात्र, विमान दुर्घेटना होऊन त्यात अजित पवारांचा मृत्यू झाल्याचे धक्कादायक वृत्त समोर आले. काय म्हणाले राजेश टोपे? या अपघाताची माहिती सर्वात आधी माजी मंत्री आणि शरद पवार गटातील नेते राजेश टोपे मिळाली होती. याबाबत त्यांनी स्वतः खुलासा केला आहे. “माध्यमांकडे ही बातमी पोहोचण्याआधीच मला फोन आला होता. आमच्या जिल्ह्यातील एक तरुण बारामती विमानतळावर स्टोअर रूममध्ये काम करतो. त्याने सकाळी फोन करून सांगितले की अजित पवार यांच्या विमानाचा अपघात झाला आहे. विमानाचा शेवटचा भाग फक्त दिसतोय, उर्वरित सगळं जळून खाक झालं आहे”, अशी जड अंतकरणाने राजेश टोपे यांनी प्रतिक्रिया दिली. महाराष्ट्राच्या राजकारणाला हादरवून टाकणारी दुर्घेटना काल २८ जानेवारी दिवशी घडली. उपमुख्यमंत्री अजित पवार यांचे विमान अपघातात निधन झाले. या दुर्घेटनेनंतर महाराष्ट्र सुन्न झाला आहे. त्यांच्यावर अंत्यसंस्कार पार पडले. त्यांच्या पार्थिवाचे नेत्यांनी दर्शन घेतले. त्यानंतर त्यांना गॅार्ड अॅाफ अॅानर देऊन श्रद्धांजली वाहण्यात आली. त्यानंतर त्यांचे दोन्ही पुत्र पार्थ पवार आणि जय पवार यांनी अजित पवार यांच्या पार्थिवाला मुखाग्नी दिला. #WATCH | Union Home Minister Amit Shah pays last respects to Maharashtra Deputy CM Ajit Pawar, in Baramati pic.twitter.com/d5sKGuIUbt — ANI (@ANI) January 29, 2026 राज्याचे उपमुख्यमंत्री अजित पवार यांचे विमान अपघातात निधन या अंत्यविधीला मुख्यमंत्री, दोन्ही उपमुख्यमंत्री, केंद्रीय गृहमंत्री अमित शहा, भाजपचे राष्ट्रीय अध्यक्ष जे. पी. नड्डा यांच्यासह देश राज्यातील अनेक ज्येष्ठ नेते, प्रशासकीय अधिकारी आणि विविध क्षेत्रांतील मान्यवर उपस्थित हेते. हेही वाचा : Ajit Pawar : लाडक्या ‘दादा’ला जनसागराने दिला अखेरचा निरोप; अजित पवार यांच्या पार्थिवावर शासकीय इतमामात अंत्यसंस्कार, VIDEO
