State Election Commission : बारामती विधानसभेवर गेले कित्येक वर्ष सलग निवडून येणारे राज्याच्या राजकारणात विविध पदे भूषविणारे उपमुख्यमंत्री अजित पवार यांचे विमान अपघातात निधन झाले. २८ जानेवारीला घडेलेल्या या घटनेने महाराष्ट्रा हळहळला. बारामतीकरांवर अजितदादांच्या अकाली जाण्याने मोठा आघात झाला. आज अजित पवार यांच्या विमान अपघाताला १० दिवस पूर्ण झाले आहेत. अजित पवार यांच्या अकाली निधनानंतर त्यांच्या पत्नी सुनेत्रा पवार यांनी उपमुख्यमंत्री पदाची शपथ घेतली. यावरून राजकारण रंगले होते. अनेकांनी ही शपथ नियमाला धरून नसल्याचे बोलले होते. अशातच आता केंद्रीय निवडणूक आयोगाने एक मोठी घोषणा केली आहे. 201-बारामती विधानसभेच्या पोटनिवडणुकीचे वेळापत्रक निवडणूक आयोगाने जाहीर केले आहे. या पार्श्वभूमीवर भारत निवडणूक आयोगाने लोकप्रतिनिधित्व अधिनियम, 1950 मधील कलम 21 अन्वये 201–बारामती विधानसभा मतदारसंघासाठी विशेष संक्षिप्त पुनर्निरीक्षण मतदारयादी कार्यक्रम जाहीर केला आहे. यानुसार अजित पवार यांच्या निधानानंतर ही रिक्त झालेली जागा भरली जाणार आहे. मतदारयादी अद्ययावत, अचूक आणि पारदर्शक राहावी यासाठी हा कार्यक्रम राबविण्यात येणार आहे. त्यानुसार पोटनिवडणुकीसाठी एकत्रित प्रारूप मतदारयादी सोमवार, ९ फेब्रुवारीला प्रसिद्ध करण्यात येईल. त्यानंतर ९ फेब्रुवारी ते २५ फेब्रुवारी या कालावधीत मतदारांकडून दावे व हरकती स्वीकारल्या जाणार आहेत. विशेष संक्षिप्त पुनर्निरीक्षण मतदारयादी ही भारतीय निवडणूक आयोग राबवत असलेली प्रक्रिया आहे. २०२४ मध्ये बारामती विधानसभेच्या निवडणुकीत काका विरुद्ध पुतण्या एकमेकांविरोधात उभे होते. राष्ट्रवादी काँग्रेसकडून अजित पवार तर शरद पवार यांच्या राष्ट्रवादीकडून युगेंद्र पवार रिंगणात होते. मात्र, अजित पवार यांनीच आपले वर्चस्व कायम राखत तब्बल एकूण 1 लाख 81 हजार 132 मते मिळवली होती. हा अजित पवारांचा बारामतीतून सलग आठवा विजय ठरला. हेही वाचा : Top 10 news: जिल्हा परिषद, पंचायत समित्यांसाठी आज मतदान, १२ वाजता खासदाराला पोलिसांनी ठोकल्या बेड्या, अशा टॉप १० बातम्या वाचा एका क्लिकवर
