Maharashtra Politics : राज्यात विधानपरिषदेच्या निवडणुकीमुळे राजकीय घडामोडींना वेग आला आहे. राज्यात कोणत्या राजकीय पक्षाकडून कुणाला उमेदवारी मिळणार, याकडे साऱ्यांचं लक्ष लागलं आहे. या राजकीय घडामोडीदरम्यान काही दिवसांपूर्वी उद्धव ठाकरे यांनी मुख्यमंत्री फडणवीस यांची भेट घेतल्याचा दावा ‘प्रबुद्ध भारत’ने केला आहे. या दाव्याने राजकीय वर्तुळात खळबळ उडाली आहे. (Maharashtra Politics) दरम्यान, उद्धव ठाकरे यांच्यात मध्यरात्री गुप्त भेट झाल्याच्या चर्चांना मुख्यमंत्री फडणवीस यांनी स्पष्ट शब्दांत फेटाळले आहे. अशा प्रकारची कोणतीही भेट झालेली नसून ही पूर्णपणे खोटी बातमी असल्याचे त्यांनी म्हटले आहे. या पार्श्वभूमीवर नाशिकमध्ये पत्रकारांशी बोलताना फडणवीस म्हणाले, उद्धव ठाकरे यांना जर मला भेटायचं असेल, तर ती भेट लपूनछपून करण्याची काहीही गरज नाही. आम्ही उघडपणेही भेटू शकतो. आमच्यात असे कोणतेही विषय नाहीत की ते लपवण्याची आवश्यकता आहे. त्यांनी अशा बातम्या पसरवणाऱ्या सोशल मीडिया हँडल्सवर कारवाईचा इशाराही दिला. (Maharashtra Politics ) दरम्यान, या कथित भेटीबाबत शिवसेना ठाकरे गटाकडूनही कोणतीही अधिकृत पुष्टी करण्यात आलेली नाही. खासदार संजय यांनीही यावर प्रतिक्रिया देण्याचे टाळत, ही भेट झाली का नाही, हे संबंधित दोन्ही नेतेच सांगू शकतात, असे म्हटले. विधान परिषदेच्या निवडणुकांच्या पार्श्वभूमीवर ही भेट झाल्याची चर्चा रंगली होती. मात्र भाजपचे मुख्य प्रवक्ते नवनाथ बन यांनीही ही बातमी खोटी असल्याचे स्पष्ट करत, देवेंद्र फडणवीस आणि उद्धव ठाकरे यांच्यात कोणतीही भेट झालेली नाही, असे सांगितले. (Maharashtra Politics )
