Centre notice to X। जगातील सर्वात श्रीमंत व्यक्ती एलॉन मस्क यांच्या मालकीच्या सोशल मीडिया प्लॅटफॉर्म X (पूर्वीचे ट्विटर) ने अश्लील कंटेंटबाबत आपली चूक मान्य केली आहे. भारतीय कायद्याचे पालन करण्याचे आश्वासन x ने दिले आहे. केंद्र सरकारने X च्या प्लॅटफॉर्मवरील आक्षेपार्ह कंटेंटची दखल घेतली, त्यानंतर प्लॅटफॉर्मने कारवाई करत ते ब्लॉक केले. X ने यावर मोठी कारवाई करत तब्बल 3,500 पोस्ट ब्लॉक केल्या आहेत आणि 600 अकाउंट डिलीट केले आहेत. समोर आलेल्या माहितीनुसार, “X त्यांच्या प्लॅटफॉर्मवर आक्षेपार्ह कंटेंटला परवानगी देणार नाही आणि सरकारी मार्गदर्शक तत्त्वांचे पालन करेल” असे आश्वासन दिले आहे. इलेक्ट्रॉनिक्स आणि माहिती तंत्रज्ञान मंत्रालयाने (MeitY) X (पूर्वीचे ट्विटर) वर आक्षेपार्ह कंटेंट मार्क केल्यानंतर एका आठवड्यानंतर ही कारवाई करण्यात आली आहे. X च्या प्लॅटफॉर्मवर फिरणाऱ्या अश्लील कंटेंटबाबत गेल्या काही दिवसांपासून वाद सुरू आहे. Grok AI वापरून अनेक अकाउंट अश्लील कंटेंट तयार करत आहेत, ज्यावर अनेकांकडून टीका होत आहे. Grok AI म्हणजे काय? Centre notice to X। Grok हा एलॉन मस्कच्या स्वतःच्या कंपनी, xAI ने विकसित केलेला एक कृत्रिम बुद्धिमत्ता (AI) चॅटबॉट आहे. तो X (पूर्वीचे ट्विटर) सोशल मीडिया प्लॅटफॉर्मवर किंवा वेगळ्या अॅप म्हणून वापरला जाऊ शकतो. वापरकर्ते टेक्स्ट कमांड किंवा व्हॉइस प्रॉम्प्ट एंटर करून कामे करू शकतात. Grok AI बद्दलचा वाद काय आहे? Centre notice to X। अलीकडेच, ग्रोकने तयार केलेल्या अश्लील प्रतिमा आणि त्याचे संपादन वैशिष्ट्य बातम्यांमध्ये आहे. एआय वापरून महिला आणि अल्पवयीन मुलांच्या प्रतिमा वापरून अश्लील सामग्री तयार करण्यासाठी याचा गैरवापर केला जात होता. सरकारने हे गांभीर्याने घेतले.
