Border 2 : वॉर-अॅक्शन आणि देशभक्तीचा जोरदार तडका असलेला सनी देओल स्टारर ‘बॉर्डर 2’ रिलीज होताच बॉक्स ऑफिसवर अक्षरशः धुमाकूळ घालत आहे. देशप्रेम, शौर्य आणि भावनिक संवादांनी भरलेल्या या चित्रपटाला प्रेक्षकांकडून जबरदस्त प्रतिसाद मिळत असून, इतर चित्रपटांना अगदी ‘धुरंधर’सारख्या मोठ्या बजेटच्या ब्लॉकबस्टरलाही मागे टाकत ‘बॉर्डर 2’ आघाडीवर आहे. रिलीजच्या अवघ्या दोन दिवसांतच चित्रपटाने दमदार कमाई करत आपली ताकद दाखवून दिली आहे. तिसऱ्या दिवशी म्हणजेच रविवारी थिएटर्समध्ये प्रचंड गर्दी पाहायला मिळत असून, सकाळच्या शोपासूनच हाऊसफुल्लची स्थिती आहे. यावरून प्रेक्षकांमध्ये चित्रपटाबाबत किती प्रचंड उत्साह आहे, हे स्पष्ट होते. पहिल्या दोन दिवसांत 66 कोटींची कमाई : मिळालेल्या माहितीनुसार, पहिल्या दिवशी ‘बॉर्डर 2’ ने 30 कोटी रुपये कमावत जबरदस्त ओपनिंग केली. दुसऱ्या दिवशी, शनिवारी, चित्रपटाच्या कमाईत आणखी वाढ होऊन 36.5 कोटी रुपये मिळाले. या दोन दिवसांत भारतात चित्रपटाने एकूण 66 कोटी रुपयांची कमाई केली आहे. तसेच, रविवारी सकाळी 11 वाजेपर्यंत 5.63 कोटी रुपयांची कमाई झाली आहे. तर, दुपारी 12 वाजेपर्यंत एकूण कलेक्शन 72 कोटींच्या घरात पोहोचले आहे. Border 2 विशेष म्हणजे, तिसऱ्या दिवशी सकाळच्या शोमध्ये झालेली कमाई ही आतापर्यंतची सर्वोच्च सकाळची कमाई मानली जात आहे. सध्याचा ट्रेंड पाहता, रविवारी चित्रपटाची कमाई दुसऱ्या दिवसापेक्षा लक्षणीयरीत्या जास्त राहण्याची शक्यता वर्तवली जात आहे. आजच 100 कोटी क्लबमध्ये एन्ट्री? प्रसिद्ध चित्रपट समीक्षक आणि ट्रेड एक्स्पर्ट तरन आदर्श यांनी सोशल मीडिया प्लॅटफॉर्म ‘एक्स’वर प्रतिक्रिया देताना सांगितले की, जबरदस्त पॉझिटिव्ह वर्ड ऑफ माउथमुळे ‘बॉर्डर 2’ ने शनिवारी बॉक्स ऑफिसवर 26.46 टक्क्यांची वाढ नोंदवली आहे. रविवारी हा चित्रपट 100 कोटी क्लबमध्ये प्रवेश करण्यासाठी पूर्णपणे सज्ज आहे. असं झाल्यास, 2026 मध्ये 100 कोटींचा टप्पा पार करणारा हा पहिला हिंदी चित्रपट ठरेल, असा अंदाज त्यांनी व्यक्त केला आहे. ‘बॉर्डर’ चित्रपटाची पार्श्वभूमी : ‘बॉर्डर’ हा चित्रपट भारतीय सिनेमातील एक अजरामर देशभक्तीपर वॉर ड्रामा मानला जातो. 1997 साली प्रदर्शित झालेला जेपी दत्ता दिग्दर्शित ‘बॉर्डर’ हा चित्रपट 1971 च्या भारत–पाक युद्धावर आधारित होता. सनी देओल, जॅकी श्रॉफ, अक्षय खन्ना आणि सुनील शेट्टी यांच्या दमदार अभिनयामुळे तो चित्रपट आजही प्रेक्षकांच्या मनात घर करून आहे. ‘बॉर्डर 2’ मध्ये आधुनिक युद्धतंत्र, अधिक भव्य अॅक्शन सीन, भावनिक कथा आणि सनी देओलचा परिचित देशभक्तीचा जोश पाहायला मिळत आहे. “ये ढाई किलो का हाथ…”सारख्या संवादांनी ओळख निर्माण करणारा सनी देओल पुन्हा एकदा सैनिकाच्या भूमिकेत प्रेक्षकांच्या मनावर अधिराज्य गाजवत आहे. एकीकडे दमदार कथा, देशभक्तीची भावना, जबरदस्त अॅक्शन आणि दुसरीकडे प्रेक्षकांचा प्रचंड प्रतिसाद या सगळ्यांच्या जोरावर ‘बॉर्डर 2’ बॉक्स ऑफिसवर नवनवे विक्रम रचत असल्याचं स्पष्ट होत आहे. हे देखील वाचा… Avinash Shilimkar : पुणे जिल्ह्याच्या सुपुत्राला उल्लेखनीय सेवेबद्दल राष्ट्रपती पदक; ‘अविनाश शिळीमकर’ यांचा सन्मान Soha Ali Khan : अभिनेत्री सोहा अली खानची पती ‘कुणाल’साठी खास पोस्ट; म्हणाली….
