Balasaheb Thackeray Birth Anniversary – महापौर पदाच्या अरक्षणाची सोडत जाहिर झाल्यानंतर आता महापौरपदासाठी राजकीय खलबते सुरू झाली असून, मुंबई महानगर पालिकेत शिवसेना (उद्धव बाळासाहेब ठाकरे) पक्षाने एक मोठी राजकीय खेळी खेळली आहे. शिवसेना संस्थापक स्व. बाळासाहेब ठाकरे यांच्या जन्मशताब्दी वर्षाचे औचित्य साधून, उपमुख्यमंत्री एकनाथ शिंदे यांच्या नेतृत्वातील शिवसेनेने भाजपऐवजी ठाकरे गटाच्या उमेदवाराला पाठिंबा द्यावा, असे आवाहन शिवसेना (यूबीटी) नेते भास्कर जाधव यांनी शुक्रवारी केले. हाच बाळासाहेबांना खरा मानाचा मुजरा ठरेल, अशी भावनिक सादही त्यांनी यावेळी घातली. मुंबई महानगरपालिकेच्या नुकत्याच झालेल्या निवडणुकीत कोणत्याही एका पक्षाला स्पष्ट बहुमत मिळालेले नाही. मात्र, भाजप (८९ जागा) आणि शिंदे यांची शिवसेना (२९ जागा) या महायुतीने ११४ हा बहुमताचा आकडा पार केला आहे. uddhav thackeray bhaskar jadhav दुसरीकडे, २५ वर्षे पालिकेवर एकहाती सत्ता गाजवणाऱ्या उद्धव ठाकरे यांच्या शिवसेनेला ६५ जागांवर समाधान मानावे लागले आहे. गुरुवारी काढण्यात आलेल्या आरक्षण सोडतीत मुंबईचे महापौरपद सर्वसाधारण महिला प्रवर्गासाठी आरक्षित झाले आहे. या पार्श्वभूमीवर, भास्कर जाधव यांनी शिंदे गटासमोर ही अनपेक्षित मागणी ठेवली आहे. प्रसारमाध्यमांशी बोलताना भास्कर जाधव म्हणाले की, बाळासाहेब ठाकरे यांचे हे जन्मशताब्दी वर्ष आहे. ज्या मुंबई पालिकेवर बाळासाहेबांचे आयुष्यभर वर्चस्व राहिले, तिथे त्यांच्या जन्मशताब्दी वर्षात शिवसेनेचा (ठाकरे गट) महापौर नसणे हे अत्यंत क्लेषदायक आहे. जे लोक स्वतःला बाळासाहेबांच्या विचारांचे खरे वारसदार मानतात, त्यांनी ही उदारता दाखवायला हवी. एकनाथ शिंदे यांनी भाजपला स्पष्ट सांगावे की, केंद्रात आणि राज्यात जरी आपण मित्र असलो तरी, मुंबईत बाळासाहेबांच्या वारशासाठी आम्ही उद्धव ठाकरेंच्या उमेदवाराला पाठिंबा देऊ. मुंबई महापालिकेत सध्या सत्तेचे समीकरण पाहिले तर महायुतीकडे स्पष्ट बहुमत आहे. मात्र, ठाकरे गटाने मराठी अस्मिता आणि बाळासाहेबांचे स्वप्न या मुद्द्यांना हात घालत शिंदे गटाला कोंडीत पकडण्याचा प्रयत्न केला आहे. आता मुख्यमंत्री एकनाथ शिंदे या आवाहनाला काय प्रतिसाद देतात आणि मुंबईच्या महापालिकेत कोणती नवीन समीकरणे आकाराला येतात, हे पाहावे लागेल. हे देखील नक्की वाचा… Mumbai Mayor Salary : मुंबई महापौरांचा पगार इतका कमी का? आकडा ऐकून उडतील होश, नेमकं कारण काय? Madhuri Misal : महापौरपदावरून राजकारण तापलं.! “संपूर्ण सोडत प्रक्रिया पारदर्शक” – माधुरी मिसाळ
