Ritu Tawde : आताची घडीच्या सर्वात मोठी बातमी समोर आली आहे. गेल्या काही दिवसांपासून महापौर आणि उपमहापौर पदावरून जोरदार रस्खीखेचनंतर भाजप आणि शिवसेनेकडून मोठी घोषणा करण्यात आली आहे. महापौर पदासाठी भाजपकडून रितू तावडे (Ritu Tawde) यांच्या नावाची घोषणा करण्यात आली असून, शिवसेनेकेडून उपमहापौर पदासाठी संजय घाडी यांच्या नावाची घोषणा करण्यात आली आहे. मुंबई भाजप अध्यक्ष अमित साटम यांनी त्यांच्या नावाची घोषणा केली आहे. मुंबई महापालिकेचे महापौर पद सर्वसाधरण महिलेसाठी राखीव करण्यात आले होते. भाजपकडून अनेक इच्छुक महिला नगसेवकांची नावे चर्चेत होती. अखेर दोन टर्म नगरसेविका असलेल्या रितू तावडे यांना भाजपकडून महापौर पदासाठी संधी देण्यात आली आहे. उपमहापौर पद हे शिवसेनेला देण्यात येणार असे सांगितले जात होते. अगदी तसेच झाले असून, मुंबईच्या उपमहापौरपदासाठी शिवसेनेकडून संजय घाडी यांना संधी देण्यात आली आहे. कोण आहेत रितू तावडे? रितू तावडे या भाजपच्या ज्येष्ठ नगरसेविका आहेत. 2012 मध्ये प्रभाग क्रमांक 127 मधून विजय मिळवला होता. 2017 मध्ये घाटकोपरमध्ये प्रभाग क्रमांक 121 मधून पहिल्यांदा निवडून आल्या होत्या. यानंतर 2025 च्या निवडणुकीत प्रभाग क्रमांक 132 मधून विजय मिळवला आहे. त्यांनी मुंबई महापालिकेच्या शिक्षण समितीचे अध्यक्षपद भूषविले आहे. त्या महापौर पदाच्या प्रबळ दावेदार मानल्या जात होत्या. कोण आहेत संजय घाडी? मुंबईतील प्रभाग क्रमांक ५ मागाठाणेचे नगरसेवक संजय घाडी आहेत. त्यांच्यावर पक्ष नेत्वृवाने विश्वास ठेवत त्यांना उपमहापौर पदाचे तिकीट दिले आहे. हे उपमहापौरपद पुढील सव्वा वर्षांसाठी असेल, असे देखील स्पष्ट करण्यात आले आहे. संख्याबळ पाहता महायुतीच्या महापौर-उपमहापौर पदाच्या उमेदवारांचा विजय निश्चित मानला जात आहे. हेही वाचा : US-India Trade Deal: भारत -अमेरिकेतील अंतरिम व्यापार करार सुरू; जाणून घ्या महत्त्वाच्या गोष्टी
