अजितदादांचा संयम ढळलाय! अजितदादा नुसते बोलतात; पण माझे काम बोलते. राज्यात एकमेकांबरोबर काम करत असताना महापालिका निवडणुकीत एकमेकांवर टीका करायची नाही, असे ठरले होते. मी बोलत नाही; परंतु अजितदादांचा संयम ढळला आहे, अशी टीका मुख्यमंत्री देवेंद्र फडणवीस यांनी जाहीर मुलाखतीत केली. महापालिका निवडणुकीच्या पार्श्वभूमीवर फडणवीस यांच्या मुलाखतीचे आयोजन करण्यात आले होते. अभिनेत्री गिरीजा ओक यांनी ही मुलाखत घेतली. मेट्रोचा प्रवास मोफत ही घोषणा अजित पवार यांनी जाहिरनाम्यात केली. मात्र, प्रत्यक्षात तिकीट दराचा निर्णय घेणारी ‘फेअर फिक्सेशन कमिटी’ असते. त्यांना तो अधिकार आहे. मीही म्हणेन, की महिलांसाठी विमानप्रवास मोफत आहे, तर जाहीर करायला माझे काय जाते? असा प्रश्न विचारत निवडून येता येत नाही म्हणून काहीही जाहीरनामे काढतात, अशी टीका फडणवीस यांनी केली. शहरात ४ हजार ११ मतदान केंद्रे! पुणे महापालिकेच्या निवडणुकीसाठी येत्या गुरुवारी (दि. 15) मतदान होणार आहे. पुणे महापालिकेमध्ये 41 प्रभागांमधून 165 नगरसेवक निवडून द्यायचे आहेत. मतदान प्रकियेसाठी पालिका प्रशासनाची तयारी अंतिम टप्प्यात आहे. महापालिकेच्या निवडणुकीसाठी शहरात एकूण 4 हजार 11 इतकी मतदान केंद्र आहेत. सर्वाधिक मतदान केंद्रे ही बालाजीनगर-कात्रज-आंबेगाव या 38 क्रमांकाच्या प्रभागात एकूण 188 मतदान केंद्रे आहेत.तर शहरात सर्वात कमी 70 मतदान केंद्रे अप्पर सुप्पर इंदिरानगर या 39 क्रमांकाच्या प्रभागात आहेत.यंदाच्या पालिका निवडणुकीत सरासरी 900 ते 1200 मतदारांसाठी एक मतदान केंद्र याप्रमाणे मतदान केंद्र स्थापन करण्यात आले आहे. यंदाच्या निवडणुकीत चारचा प्रभाग आहे. त्यामुळे मतदारांना चार उमेदवारांना मतदान करावे लागणार आहे. काँग्रेस हे बुडणारे जहाज नसून आत्मविश्वासाने पाण्यावर तरंगणारे जहाज महापालिका निवडणुकीच्या प्रचारात काँग्रेस आघाडीवर दिसली नाही, तरी काँग्रेस ही लोकांच्या मनात रुजलेली आहे. निवडणुका जर निकोप, पारदर्शक आणि निर्भय वातावरणात झाल्या, तर काँग्रेसला निश्चितच यश मिळेल. अनेक मोठी पदे भूषवणारे नेते विविध आमिषं आणि दबावतंत्राला बळी पडून भाजपमध्ये गेले. त्यामुळे आज भाजपमध्ये काँग्रेसची विचारधारा असलेले अनेक चेहरे दिसतायेत. तिथे काँग्रेसयुक्त भाजप तयार झालीय, असं मत काँग्रेसचे ज्येष्ठ नेते बाळासाहेब थोरात यांनी व्यक्त केलंय. त्यासोबतच काँग्रेस हे बुडणारे जहाज नसून आत्मविश्वासाने पाण्यावर तरंगणारे जहाज आहे. पुणे महापालिका निवडणूक ही केवळ स्थानिक नसून महाराष्ट्र कोणत्या दिशेने चालला आहे हे दाखवणारी निवडणूक आहे.असंही त्यांनी म्हटलंय. कसब्यात अजित पवारांच्या उपस्थितीत बड्या नेत्यानं हाती धरलं ‘घड्याळ’ पुणे महापालिका निवडणुकीच्या पार्श्वभूमीवर काँग्रेसला राष्ट्रवादी काँग्रेसकडून खिंडार पडल्याचे दिसतंय. कारण शहरात प्रभाग क्रमांक २४ मध्ये राष्ट्रवादी काँग्रेसची ताकद वाढली आहे. काँग्रेसचे उपाध्यक्ष उस्मान भाई तांबोळी यांनी राष्ट्रवादी काँग्रेसमध्ये प्रवेश केला आहे. प्रभाग २४ च्या प्रचाराचे पॅनल प्रमुख माजी नगरसेवक सदानंद शेट्टी यांनी हा प्रवेश घडवून आणला असल्याने या प्रभागातील राष्ट्रवादीच्या उमेदवार सुजाता शेट्टी यांच्यासह इतर उमेदवारांना तांबोळी यांच्या जनसंपर्क, तसेच संघटन कौशल्याचा फायदा होणार आहे. उपमुख्यमंत्री अजित पवार यांनी हा प्रवेश करून घेतला. मतदारांकडून उमेदवारांची ‘तोंडी परीक्षा’ पिंपरी–चिंचवडमधील महापालिका निवडणुकीच्या पार्श्वभूमीवर उमेदवारांच्या प्रचाराची धावपळ अंतिम टप्प्यात आली आहे. घरोघरी प्रचार करताना मतदारांच्या प्रश्नांनी उमेदवार आणि त्यांच्या समर्थकांची चांगलीच कसोटी लागायला सुरुवात झाली आहे. केवळ पत्रक देऊन भागत नसून मतदार तोंडी परीक्षा घेत प्रश्नांची सरबत्ती करत असल्याने अनेकांची भंबेरी उडताना दिसत आहे. सध्या थंडीचा कडाका असला तरी पिंपरी–चिंचवड शहरात निवडणुकीचे वातावरण चांगलेच तापले आहे. अनेक उमेदवारांनी घरभेटी, पत्रकवाटप आणि छोट्या सभा घेत आपल्यालाच मतदान करावे, असे आवाहन मतदारांना करीत आहेत. मतदानापूर्वी महिला मतदारांना खूश करण्याचं मोठं आव्हान पिंपरी चिंचवड महापालिका निवडणुकांच्या पार्श्वभूमीवर संक्रांतीनंतर अगदी दुस-याच दिवशी मतदान आहे. त्यामुळे शहरातील भावी नगरसेवकांची चिंता वाढली आहे. महिला मतदारांच्या अपेक्षा पूर्ण करताना खर्चाचा ताळमेळ कसा बसवायचा, याचा मोठा पेच उमेदवारांसमोर निर्माण झाला आहे.पिंपरी-चिंचवड महानगरपालिकेच्या आगामी निवडणुकांकडे सर्वांचे लक्ष लागले आहे.संक्रांत आणि निवडणुकीचा थेट संबंध नसला तरी मतदानाच्या अगोदरच येणारा हा सण उमेदवारांसाठी खर्च, अपेक्षा आणि राजकीय समीकरणांचा मोठा कस पाहणारा ठरणार आहे. जालन्यात भाजपला मोठा धक्का जालन्यात मतदानाच्या तीन दिवस अगोदर भाजपला मोठा धक्का बसलाय. भाजपचे माजी नगराध्यक्ष आणि प्रदेश निमंत्रित सदस्य असलेले सुनील आर्दड यांनी शिंदेच्या शिवसेनेत प्रवेश केलाय. शिवसेना आमदार अर्जुन खोतकर यांच्या नेतृत्वात हा पक्ष प्रवेश झाला. महापालिका निवडणुकीच्या तोंडावर भाजपला हा जोरदार धक्का मानला जातोय. जालन्यात भाजप आणि शिवसेना स्वतंत्र लढत असून प्रचार शिगेला पोहचला असताना अर्जुन खोतकरांनी ऐनवेळी खेळी केल्याने भाजपला हा मोठा धक्का मानला जातोय. पंढरपुरात भीषण अपघातात ३ मजुरांचा मृत्यू पंढरपूरमध्ये मोठ्या अपघाताची घटना घडलीय. चंद्रभागा नदीच्या पुलावर मोठा अपघात घडला असून कंटेनर आणि ट्रॅक्टर पुलावरून खाली कोसळलाय. कर्नाटकमधून ऊसतोड मजूर घेऊन ट्रॅक्टर पंढरपूरकडे निघाला होता. दरम्यान ट्रॅक्टर सुरू होण्यापूर्वीच ट्रॅक्टर दोन ट्रॉल्यांसह पुलाखाली कोसळला आणि त्यावर कंटेनर कोसळल्याने हा भीषण अपघात झालाय. प्राथमिक माहितीनुसार दोन ते तीन मजूर या अपघातात मृत्युमुखी पडले आहे. तर ट्रॅक्टर आणि कंटेनर खाली काही जखमी झाल्याची माहिती आहे. या घटनेत जवळपास 8 ते 10 लोक गंभीर स्वरूपात जखमी झाल्याची माहिती आहे. तर गंभीर जखमींना उपचारासाठी उपजिल्हा रुग्णालयात दाखल केलंय. दरम्यान मृतांचा आकडा वाढण्याचीही भीती व्यक्त केली जातीय. तब्बल ८ महिन्यानंतर एलओसीजवळ सुरक्षा यंत्रणा अलर्ट जम्मू आणि काश्मीरच्या एलओसीजवळ तब्बल ८ महिन्यानंतर संशयास्पद ड्रोनच्या हालचाली दिसून आल्या. सुरक्षा दलांकडून देण्यात आलेल्या माहितीनुसार, हे ड्रोन पाकिस्तानी बाजूने भारतीय हद्दीत घुसले, काही मिनिटे घिरट्या घातल्यानंतर ते परतले. ड्रोनच्या उपस्थितीनंतर, लष्कर आणि इतर सुरक्षा संस्थांनी मोठ्या प्रमाणात शोध मोहीम सुरू केली. अधिकाऱ्यांच्या म्हणण्यानुसार, ड्रोन दिसल्यानंतर लष्कराच्या जवानांनी गोळीबार केला. त्याच वेळी, राजौरी जिल्ह्यातील तेरयथ भागातील खब्बर गावात आणखी एक ड्रोन दिसल्याची माहिती मिळाली.ड्रोनमध्ये ब्लिंकिंग लाईट्स होत्या, ज्यामुळे ते ओळखण्यास मदत झाली.दरम्यान , या भागात आता सुरक्षा यंत्रणा अलर्ट मोडवर असल्याचं सांगण्यात येतंय. व्हेनेझुएला,इराणनंतर आता डोनाल्ड ट्रम्प यांचा क्युबाला इशारा व्हेनेझुएला आणि इराणमधील राजकीय अस्थिरतेनंतर, अमेरिकेचे अध्यक्ष डोनाल्ड ट्रम्प यांनी क्युबाला इशारा दिलाय. त्यांनी क्युबाला थेट इशारा देत, वॉशिंग्टनशी करार करा किंवा पूर्णपणे आर्थिक एकाकीपणाला सामोरे जा असं त्यांनी म्हटलंय. हा इशारा अशा वेळी आला आहे जेव्हा या महिन्यात व्हेनेझुएलामध्ये अमेरिकेच्या लष्करी कारवाईत राष्ट्राध्यक्ष निकोलस मादुरो यांना अटक करण्यात आलीय. या कारवाईमुळे क्युबाची सर्वात महत्त्वाची आर्थिक जीवनरेखा – व्हेनेझुएलाचे तेल – जवळजवळ बंद झालंय. ट्रम्प यांनी त्यांच्या सोशल मीडियावर, व्हेनेझुएलाच्या अनुदानावर अवलंबून असलेल्या क्युबाच्या अर्थव्यवस्थेचा युग संपलंय” असं त्यांनी म्हटलं,
