Ajit Pawar : महाराष्ट्राचे उपमुख्यमंत्री अजित पवार यांच्यावर आज बारामतीतील विद्या प्रतिष्ठान महाविद्यालयाच्या प्रांगणात अंत्यसंस्कार करण्यात येणार आहेत. त्यांच्या अंत्यविधीसाठी राज्यभरातून अनेक नेते, पदाधिकारी, कार्यकर्ते आणि बारामतीमधील स्थानिक नागरिक मैदानावर दाखल झाले आहेत. बारामतीमध्ये शोकाकुल वातावरण तायर झाले आहे. अजित पवार यांचे विमान अपघातात निधन झाल्यानंतर त्यांच्याबद्दल अनेक अपडेट समोर येत आहेत. आता अजित पवार यांच्या पत्नी सुनेत्रा पवार यांच्यासोबत त्यांचे शेवटचे बोलणे नेमके काय झाले होते याविषयी माहिती समोर आली आहे. विमानात बसण्यापूर्वी फोनद्वारे झालेल्या संवादात अजित पवार यांनी पत्नी सुनेत्रा पवार यांना महत्वाचा सल्ला दिला. बारामतीला निघण्यापूर्वी अजित पवारांनी आपल्या देवगिरी बंगल्यावर नाष्टा केला होता. नाष्टा करत असताना त्यांनी पत्नी सुनेत्रा पवारांना फोन केला होता. यावेळी दोघांमध्ये संसदेत सुरू असलेल्या बजेट सत्रावर चर्चा झाली. राष्ट्रपतींचे अभिभाषण लक्ष देऊन ऐक, असा महत्वाचा सल्ला अजित पवारांनी राज्यसभेच्या खासदार असलेल्या सुनेत्रा पवारांना दिला होता. अजित पवार यांच्यासमेत सुनेत्रा पवार देवगिरी बंगल्यावरून अजित पवार मुंबई विमानतळाकडे गेले. यावेळी त्यांच्यासोबत सुरक्षा कर्मचारी आणि पीए देखील होते. पण विमानतळावर गेल्यानंतर हे सर्वजण परत आले. अजित पवार आपले सुरक्षा रक्षक विदीप जाधव यांना घेऊन स्पेशल चार्टर विमानाने बारामतीला येत असताना लँडिंगदरम्यान झालेल्या अपघातात त्यांचा दुर्दैवी मृत्यू झाला. आज सकाळी ११ वाजता बारामती येथील विद्या प्रतिष्ठानच्या प्रांगणात अजित पवार यांच्यावर शासकीय इतमामात अंत्यसंस्कार पार पडणार आहेत. मोठ्या प्रमाणावर जनसागर विद्या प्रतिष्ठानावर जमा झाला आहे. राज्यासह देशातील अनेक बडे नेते यांच्या अत्यंविधीचे दर्शन घेण्यासाठी विद्या प्रतिष्ठानच्या मैदानावर दाखल व्हायला सुरूवात झाली आहे. हेही वाचा : Ajit Pawar : मुलीचे लग्न करण्याचे स्वप्न राहिले अपूर्ण; शांभवीच्या आईचा हृदय पिवळटून टाकणारा आक्रोश
