Ajit Pawar Plane Crash : महाराष्ट्राचे उपमुख्यमंत्री अजित पवारांच्या मृत्यूनंतर राज्यात दुःखाची लाट पसरली आहे. त्यांच्या मृत्यूच्या बातमीने अनेकांना धक्का बसला. राष्ट्रवादीच्या कार्यकर्त्यांना भावना अनावर झाल्या आहेत. तर दुसरीकडे अनेक नेते मंडळी आणि कार्यकर्त्यांना अश्रू अनावर झाले आहेत. बारामतीमधील वातावरण शोकाकूल झाले आहे. पवार कुटुंबियांना आणि बारामतीकरांना पोरकं झाल्यासारखं वाटत आहे. दरम्यान लाडक्या दादाचं विमान अपघातात मृत्यू झाल्याची वार्ता कळताच सर्वांना मोठा धक्का बसला आहे. दरम्यान, अजित पवारांच्या मृत्यूची बातमी समजताच उद्धव ठाकरे काल रात्री बारामतीत पोहचले, आणि पवार कुटुंबियांची भेट घेऊन सांत्त्वन केले. यावेळी रश्मी ठाकरे, आदित्य ठाकरे यांनी देखील सुनेत्रा पवार, पार्थ पवारांचे सांत्त्वन केले. Ajit Pawar Plane Crash : अजित पवार यांच्या निधनाने राज्यात 28 ते 30 जानेवारी 2026 या तीन दिवसांचा दुखवटा जाहीर करण्यात आला आहे. त्यांच्या पार्थिवावर सकाळी 11 वाजता शासकीय इतमामात अंत्यसंस्कार करण्यात येणार आहेत. अजित पवार यांच्या पार्थिवाचे अंतिम दर्शन घेण्याकरिता पंतप्रधान नरेंद्र मोदी, केंद्रीय गृहमंत्री अमित शाह, भारत सरकारमधील अनेक केंद्रीय मंत्री, महाराष्ट्राचे राज्यपाल आचार्य देवव्रत, महाराष्ट्राचे मुख्यमंत्री देवेंद्र फडणवीस, उपमुख्यमंत्री एकनाथ शिंदे यांच्यासहित राज्यातले सगळेच मंत्री, लोकप्रतिनिधी उपस्थित असणार आहेत. Ajit Pawar Plane Crash :
