Ajit Pawar : महाराष्ट्राचे उपमुख्यमंत्री अजित पवार यांचे विमान अपघातात निधन झाले आहे. त्यांच्या निधनाने सर्वांनाच मोठा धक्का बसला आहे. बारामतील विद्या प्रांगणात त्यांच्यावर अंत्यसंस्कार केले जाणार आहेत. काटेवाडीतून अजित पवार यांची अंत्ययात्रा विद्या प्रांगणात पोहोचली असून अजितदादा परत या म्हणत कार्यकर्त्यांनी एक टाहो फोडला आहे. मोठा जनसमुदाय येथे अजित पवार यांना निरोप देण्यासाठी लोटला आहे. अनेकांना आपला हुंदका आवरन कठीण झाले आहे. अजित पवार यांचे पार्थिव बारामतीच्या विद्या प्रतिष्ठानच्या प्रांगणात दाखल झाले असून शेवटच्या विधींना सुरूवात झाली आहे. पार्थ पवार आणि जय पवार यांच्याकडून धार्मिक विधी केल्या जात असून संपूर्ण पवार कुटुंब यावेळी उपस्थित आहे.
